السلام عليكم ورحمة الله وبركاته
شغالة اهل زوجي هربت ولقاها زوجي
عاد سألها ليش هربتي قالت ماما انتا قرقر كثير وخبرني زوجي
وقالي انا قلت الامي انها هربت لانها تبي زيادة راتب ماخبرتها انو العله في امي عشان ماتتضايق
عاد بالليل دقت اخت زوجي وقالت انه شفتي الخدامه لقوها قلت ايوه قالت بس مادخلت مزاجي انها هربت بسبب الراتب انا شاكة انها هربت من تعامل امي معها ترى امي تشد مع الخدم قولي الصدق وش قالك اخوي قلت بقولك الصراحه بس انتبهي ياصل الهرج الامك لان اخوك منبهني ما اتكلم قالت ابشري قلت هي تقول ان امك تهاوش قالت الله يهديها امي لو تخفف من العصبيه مع الخدم ولا ماراح تصمل عندنا خدامه كلهم راح يهربو الا ويدخل علي زوجي فجئه ويقولي صدق ثرثاره وماتمسكين سر ويطلع واعتذر من اخت زوجي واقولها ادق عليك بعدين واطلع اكلم زوجي ويهاوشني يقولي انا الحين اقولك لاتخبرين احد من طرف اهلي تخبرين اختي ليه الحين بتروح تعلم امي انا هنا انحطيت بمووقف محرج جدا ومدري وش ترد ماتوقعت يدخل علي فجئه انجنيت وماعرفت ارد وقام يهزئني انتي ام وجهين ومنافقه ودخل ونام مررره انحرجت وتفشلت من نفسي فعلا اذا فكرت فيها الرجال قالي لاتقولين ليش اقوول مع انه اخت زوجي ضامنتها مليونين بالميه ماتتكلم اساسا عي نبهتني البنت قالت تكفين لاتخبرين امي انه الخدامه هجت مع هواشها لانه بيضيق خلقها وتعصب اسكتي يعني اذا اخت زوجي نبهتني معناته مستحيل تعلم امها بس استحيت من نفسي ليتني ماخبرتها طحت من عين زوجي بيحسبني ثرثاره مع انه اثبت له هاالشي
رغدهـ @rghdh_3
محررة ذهبية
يلزم عليك تسجيل الدخول أولًا لكتابة تعليق.
امجآد
•
لا ان شاءالله الامور بتعدي بسلام بس انتي من بكره راضيه وقولي حقك علي وادري اني غلطت بس من غير قصد واشرحي له السالفه زي ماقلتيها لنا وان شاءالله بيلين راسه حتى لو زعل عليك يوم يومين عادي .. وثاني مرا امسكي لسانك ترى انا مثلك دايم اطيح بهالمواقف واتفشل قدامه بس اللحين تعدلت خخخ
الصفحة الأخيرة
روحي اعتذريله وكلمتين حلوين لين يرضا
وقوليله الصدق قولي اختك عارفه انو طفشت الخدامه من امك وتقول مابي اضيق امي