وجهوني هل أنا أخطأت في حق هذه المرأة

السلام عليكم ورحمة الله

الموضوع من بدايته زوجي عنده منتدى محافظ وأنا مشرفة فيه
إحدى عضوات المنتدى وهي من جنسية عربية يبدو أنها تريد الزواج برجل سعودي
بعد فترة من مشاركتها في المنتدى بدأت ترسل إيميلات إعجاب لإيميل زوجي الخاص بالمنتدى وأرسلت صورها وهذا الشي حصل قبل ثلاث سنوات تقريبا
زوجي أطلعني على هذا الأمر طبعا تعرفون شعور أي مرأة تواجه مثل هالمواقف
رحت أرسلتها رسالة خاصة ماأتذكرها زين لأنه من ثلاث سنين بس فيه هذا الكلام
(أنت ماتستحين ترسلين صورك
تبيغين تفرقين بيني وبين زوجي وتفسدين حياتي
زوجي لو بياخذ غيري رحت أنا وأخترت له بس مايتزوجك أنتي
أطلعي من المنتدى مانبيك فيه )


وأرسلتي وماأذكر كلامها تماما بس مضمونه
(آسفه إن كنت أخطيت)
طبعا هي أنقطعت عن المنتدى بعد اللي صار

وبعد ثلاث سنوات طلعت لي من جديد باسم مستعار ثاني وأرسلتي عدة رسائل مضمونها

أني ماسامحتك على الكلام اللي قلتية وفي قلبي نقطة سوداء كره لك والحمدلله تزوجت من الرياض وزوجك خليه لك مابيه
وراح نتقابل عند رب العالمين وإني مادعيت عليك عشان عندك عيال مالهم ذنب

طبعا كلمة راح نتقابل عند رب العالمين هي اللي خلتني أكتب مشكلتي لأن هالكلمة هزتني أبيكم حكم بيني وبينها ماأبي يجي يوم القيامة وتقول عني فلانه أخطأت علي
ماأبي في رقبتي ظلم للعباد