وردة والنعم
وردة والنعم
هذي اخرتها نصير عاملات نظافه وشهاداتنا بكاليوس لا حول ولا قوة الا بالله
مو عيب العمل لكن ليه يوصل فيهم الاستهتار فينا لهذي الدرجه

تخيلوا ماجستير موظفينها مشفة قطار ابفهم وين يوصل فينا التخبط اكثر من كذا

ويقولون تطورنا ...... اقول الا فعلا دول متخلفه معليش ديرتي واحبها كثير

لكن هذا اللي صاير والله لو نطلع برا وبشهاداتنا انهم يتلاقطونا

حسبنا الله ونعم الوكيل .....
roro Alamri
roro Alamri
قولوا لي ابكي او اضحك
pink fo0ofo0o
pink fo0ofo0o
مصدووووووووووووووووووومة

لاتعليق
لــــــــمــــــار
المصيبه انا تكفوووون رحت ويالتيني مارحت رحت لجامعة الاميره نوره مخرج 9 قالوا ماعندنا شي روحي لجامعة الاميره في مبناها الجديد ونروح وقعدنا ساعه نلف ماعرفنا لها مدخل يوم هدانا الله بعد مادخنا السبع دوخات ونجي من الجهه الغربيه لجامعة الاميره نوره واذا بمدخل شينكو وجمبه لوحه صغيره جدا حديد محذوفه على جنب مكتوب جامعة الاميره نوره مدخل (2) وعلى المدخل لوحه كبيره ا مكتوب شركة بن لادن طبعا صحراء موجود رافعات وسيارات نقل كبار وشغل كلمنا السكرتي هنا جامعة الاميره نوره نبي التقديم على الوظايف
قال السكرتي امش سيدا مشينا اثر الدنيا طبعا صحرا وفيها معدات اكبار وصنادق المهم مشينا مشينا مشينا الى ان وصلنا للجههه الللي اشر عليها السكرتي يوم وصلنا بعد ماقطعنا مشوارر طويل مالقينا شي واذا فيه سكرتي ثاني واقف بعيد وزجي يصيح به يالاخو يالاخو ويسأله قال سوٍّ يوتيرن وادخل من هناك ونلف ونمشي نمشي نمشي في هالصحرا المليانه بالاعمال والمعدات الى ان وصلنا صندقه عندها حاجز وسكرتي سألنا السكرتي قال لزوجي من اللي بقدم قال الحرمه قال اجل اسفط هناك فيذيك المواقف يوم ناظرنا الى مواقف بعيده قلنا له وبعدين قال انتظر الى ان يجي باص يشيل الحريم اللي يبون التقديم يشيل الحريم ويوديهم للمديره قلنا خلاص ورحنا وسفطنا محل ماقال وجلسنا ننتظر الى ان جاء الباص وجاء زوجي يأشر من بعيد لي يعني انزلي جاء الباص وانا اللي انزل طايره بغت تنكسر رجلي
واركب يوم اركب بغيت ادوخ من الصدمه الى الباص مليان حريم سود افارقه يعني زي الحبشيات اللي يبيعون الفصفص ورحيتهم شي خيالي
والله بغى يوقف قلبي من الرعب ومشى الباص وطبعا انا راكبه فيه يوم مشينا بشوي الا ورانا واحد يصيح ولد شباب سعودي ويوقف الباص ويركب خواته ثنتين ثم مشينا انا يوم شفتهم بيضان ارتحت اشوي ان معي احد
المهم وقعدنا نمشي نمشي طولنا وانا نمشي والريحه حدث ولا حرج بغت تخنقنا المهم وصلنا
يوم ننزل دخلنا مبنى قزاز اول مادخلنا لقينا سكرتيه شباب قالوا ادخلوا من هنا ودخلنا معه
يبدو قسم مخصص للنساء المهم سيب طويل نمشي نمشي الى ان وصلنا باب كبير ودخلنا وألقى حريم سود كثير يكتبون يوقعون وموظفتين بس
المهم حاولت اكلمها رفضت قالتن انتظروا الى ان اخلص المجموعه اللي عندي وقفنا ننتظر وطولنا وانا واقفين اخرشي يوم خلصت الموظفه من المجموعه اللي عندها بدت تصرخ اللي عمرها اكثر من اربعين رجاء لاتجي يالله طلعوا البطاقات المهم واحنا اناظر فيها انا والبنتين البيض والا هي تخزنا بعينها اقول طلعوا بطاقاتكم ثم قالت تعالوا هنا فجينا عندها ثم بدأت تشرح لنا عن النظافه وعن انكم مالكم علاقه بالحمامات يوم شفت السالفه كذا قنا له وش الوظيفه قالت عاملات نظافه ونرقيكم تصيرون مراقبات على النظافه قلت لها ياختي انا ماجيت عشان هالشغل جيت اسأل عن التعاقد من اجل التدريس لان شهادتي عليا قالت وش مؤهلك وعلمتها قالت اسفين ياختي واعتذر ع الكلام اللي قلته لكم عن النظافه وهذا موب مكانك وقالت يوم تفشلت احنا طالبين بكالوريوس ودبلوم عشان الكثافه اللي جتنا من الناس وجونا جامعيات كثير فلما شفنا القبول منهم اشترطنا جامعيات المهم قلت لها طيب ابغى اطلع قالت مالك الاتنتظرين الباص وقعدنا على جنب وانتظرنا الباص ثم جاء ورجعنا للمواقف ورحنا لسياراتنا وانا نفسيتي دمار بعد هالسالفه جدا لدرجة معاد عندي قدره احكي ولا اتكلم مع احد
ازعجني جدا هالوضع اللي وصلنا له
لا وازيدكم من الشعر بيت وظايف الشغالات هاذي حاطينه حصريا للسعوديات فقط
وردة والنعم
وردة والنعم
والله لو انا منك يا لما اني انشرها بالجرايد واخلي الجامعه تعرف تنزل وظايف سنعه مثل العالم والناس شي يحرق الاعصاااااااااااب