سويت عمليه قيصريه 😥وانا حامل بالشهر الثاني💉✂

الحمدالله على كل حال
بعلمكم من البدايه وش صار لي عشان تفهموني
كنت نايمه وصحيت على الم فضيع لايمكن اوصفه وبعدها مسكني غثيان واستفراغ

وعلا طول رحت على مستشفى الماني ع الساعه 4 ونص وجلست بالانتظار اتلواء من الالم ومادخلت ع الدكتوره الا المغرب وسوت لي سونار
وعملت لي تحاليل وقالت فيه كيسين على مبيضين واحد حجمه 6 والثاني حجمه 4
ونادت الاستشاري وشافني فقال ماتوقع من الاكياس ممكن يكون معاك مغص كلوي واعطتني ابره مسكنه ورحت من عندها
واول ماوصلت البيت حطيت راسي على المخده ويجيني استفراغ قوي ودوخه ومغص قوي
واجلس اصرخ من الالم
وع الساعه تقريبا 10بالليل خرجت على مستشفى الدار على الطواري واول مادخلت بالممر واطيح من طولي استفرغت وبعدها دخت صحيت وانا على سرير الطوراي اعطوني مهدئات واجتمعو الدكاتره بس ماهم عارفين وش فيني من قوة الالم والله يابنات اصقع براسي بالسرير حتى صوتي قلب صرت كانو رجال يصرخ
بعدها قالو نسويلك سونار ويسوون لي فقالو احتمال من الكيس ملتف على المبيض وينزف داخل البطن
فقال الدكتور من الافضل تاخذها على مستشفى الولاده من الان احتمال يجيها نزيف داخلي وخطر على حياتها
ويشولوني وانا مابين واعيه ومغمى علي
وع الساعه 2 بالليل دخلت على االولاده وياويلي والله تعذبت بس الحمدالله كله باجره
رموني ع السرير وراحو وانا اصرخ واصيح وانادي عليهم والله يابنات من قوه الالم برمي نفسي من فوق السرير وجاتني دكتوره سوادنيه وقالت احتمال عندك حمل خارج الرحم هذي اعراضه وياخذوني ويسون لي سونار ولقو كيس الجنيين بالرحم وعمره 8 اسابيع وقالت فيه اكياس احتمال بسيط يكون من الكيس
وكل دكتوره تجي تعطيني كلمه ويعطوني مسكن بالعضل ماهدا علي الالم الا احسه كل مايزيد علي وينادون دكتوره من فوق بياخذون رايها يقولون استشاريه بالقوه نزلتلي بعد طلوع الروح على اذن الفجر وانا اتلوى شفت الموت وياخذون ويرجعو من جديد يسون لي سونار فقالت احتمال من الاكياس بس ماحد اعطاني كلمه اكيده وقالو تنويم تحت الملاحظه ويطلعوني فوق وانا عيني ماذاقت النوم ولا الراحه ولا اكلت شي من يوم والصباح جوا مجموعه استشاريه ومعاهم دكتورات نقلوني بسريري غرفه السونار وشافوني وقالو هذا من الكيس اصلا واضح مشرشب وملتف
لازم عمليه ويطلعوني على غرفتي وقالو لاتاكلي شي قلتلهم انا صايمه من امس
واعطوني لبس العمليات وع الساعه 10 دخلت على العمليات وسالت الدكتور هو سوداني قالي ماعندنا منظار الي بعملها لك عمليه قيصريه بنشيل الاكياس من المبيضين قلت توكلت على الله طبعا قبل العمليه خلوني اوقع على ورقه انهم خالين المسؤليه عن الجنيين الي ببطني لو حصله اسقاط يقولون بعض الاجنه ماتتحمل البنج يكون قوي عليه
المهم دخلوني غرفه العمليات استودعت نفسي وابني حبيبي عمره سنتين
وصحيت وانا بالافاقه اصرخ من الالم العمليه ويعطوني مسكن وطلعوني ع الساعه 4 العصر الغرفه
وبعدين جاني الدكتور يقول سبحان الله الاكياس ببعضها ملتويه والمبيض بكبره مقلوب يقول كيف ينقلب انا ماعرف يقول بس الحمدالله رجعناها لوضعه الطبيعي وشالو الاكياس
واكتبلكم وانا على سرير المستشفى هذا رابع يوم لي
والالم الي شفته الله لايوريه مسلم وانتبهو يابنات لاتهملون الاكياس والله خطيره والمها خبيث مايرحم
الحين بسألكم وشايله هم انا مسويه قيصريه وحاسه انهم فاكني من الحوض للحوض عشان المبيضين طيب انا حامل وخايفه ببطني تكبر والم الخياطه راح يبهذلني لانه مستحيل يلتئم الجرح بسرعه اقلها لازم سنه
وثاني شي من سويت العمليه الالم شديد جهته معدتي حتى اذ اكلت او ظغطت عليها والله من قوه الالم احسها من خلف ظهري اذ انسدحت
هل هو طبيعي
وادعولي ربي يوفقكم ربي يشفيني ويقومني بالسلامه
ويصرف عني الهم والحزن