سؤال عن عدد مرات عمل السونار اثناء الحمل

رحت اليوم الدكتورة اللي اتابع عندها الحمل علشان اعمل تحاليل طلبتهم مني الدكتوره امينه وبالمره قلت آخذ ملفي علشان بسافر عند امي لين اولد المهم اخذت الاشعة والتحاليل وجلست بالانتظار انتظر زوجي يجي ولا وحدة بالانتظار تسالني عن الدكتورة وكيفها بالمتابعة قلت ماعليها تمام الا تقولي انتبهي تستغلك بالاشعة تراها لعبت ببنتي كل ماجت تراجع عندها طلبت سونار ولماراحت لدكتوره بالرياض جلست تخانقها على عمل السونار على الطالعة والنازلة قلت عسى ماأثر على الجنين قالت لا لحقت عمره بدري وتركتها المهم احس قلبي طاح بطني وافتح الظرف حقي الا 11اشعه سونار وانا في اول الثامن من جد هبلت فيني وانا وش دراني انه له مضار كل ماقالت سونار قلت يله واسالها منه ضرر تقول لا عادي اللهم بس زوجي يخانق يقول الاشعة مضرة على الجنين وانا اقوله انت ادرى من الدكتوره ياليت دكتوره امينة او رنده يردون علي رايحة بطمن على نفسي جيت مرعوبه على اللي ببطني الله يستر وياليت بنات حواء اللي عندها فكرة تفيدنا