((كلمه لكل من تأخرت في الإنجاب...أتمنى تعطرون موضوعي بمروركم ))

تأخر الحمل

بســـم الله الرحمن الرحيم
الســـــلام عليكم ورحمة الله وبركاته




أخواتي أنـــا فكرت أكثر من مره قبل أكتب الموضوع,لأن اللي بكتبه أحـــتمال مايتقبله البعض
ويمكن البعض يتقبله وينور باله مثلي ومثل ماأقتنعت بالكلام..اللي أبي أقوله أن الواحد في
حال الحاجة يتمسك بأي شيء وأحيان يكون صح وأحيان لا مثل الممرخات يابنات صحيح كلنا
من نسمع عن ممرخه ونطييير لها سواء كنتي سليمه أو عندك بعض المشاكل وبعض الممرخات
الله يهديهم على طول بعد الفحص تقولك ( الرحم مايل , الحوض نازل, رحمك نازل.....
وأحنا على طوووووول نصدق لأن ودنا أحد يقول اي شيء ونمسك الكلام ونبي نعالجه سواء كان الكلام صحيح
أو لا..أنا ماعممت الكلام على جميع الممرخات..يابنات والله رحت لممرخه وقالت لي والله رحمك مايل وعلاجك
بيكلف (300آلاف ريال) بنات هل المبلغ معقول؟ الواحد ماعنده مشكله بيدفع المبلغ لأننا نصرف أضعاف أضعافه
بالمستشفيات والأبر و و و , صح وإلا لا؟وحده رحتلها وهذا الكلام الزبده أو خلاصة الموضوع قالتلي ياحبيبتي
انت مافيك شيء بس بقولك شغله سواء أقتنعتي أو لا البنت لما تتزوج وتكون ماحملت أبداً يعني نهائي ماقدحملت
مستحيل رحمها ينزل أو يتغير مكانه لكن لو تحمل وتسقط أو يكون لها حمل طبيعي وتنجب أطفال أيه أنا معك
أحتمال يصيرلها ميلان أو نزول لأن الرحم قدحمل من سوائل وطفل ويكون رخو وغيره
وأقتنعت بكلامها وقلت خلاااص..((فيه شيء بقوله بعد يمكن بعض الممرخات اللي اقولكم تقوول نازل وغيره
يمكن بناء على اجتهاد شخصي انا ماأدخل بنيتها سواء ان غرضها مادي او غيره لا هذاماأقصدته أبدا باللي كتبته))
ويجي ذاك اليوم اللي أقرأ فيه عن وحده هنا بالمنتدى
( أحتفظ بأسمها عشان لوكتبته بيفكر البعض ان القصد تشويه أو غيره )
وأتحمس وأرووووح لها المهم وأقعد مع الحريم أبيها تفحصني وأدخل عندها
وتقولي يوووه رحمك مايل ونازل والحوض نازل وأنا يالله كل هذا فيني وطلعت عند الحريم وقعدت انتظر
سيارتي وأسمع كل الموجودين بنتين توهم متزوجين ووحده توها نفاس ووحده متزوجه بس مدري كم لها
تبي تكشف على ظهرها لأنه يألمها و3 حريم متزوجين كباار هم وعندهم عيال وتخيلوا أكتشفت انها قايله
لكل وحده نفس الكلام الرحم مايل ونازل؟؟؟معقول يابنات كل هالعالم ارحامهم نازله؟والله يابنات طلعت
وأنا ماأدري مومقتنعه وقلت لأمي ورحت بعدها للممرخة ثانيه تدرون وش قالت؟؟؟؟؟؟ نفس كلام الحرمه
الأولى أن الحرمه إذا ماقد حملت مايميل رحمها ولاينزل صح يمكن يكون فيه ضعف بالمبيض أو يكون عندها
ارتفاع بهرمون الحليب صح في هذي أنا معك..بس نزول وميلان لا
بس لاعاد تسمعين كلام أحد وكلها توهمات انت ماعليك مافيك شيء تبين تمريخ عادي مايضر
وإذا مابغيتي ترى أساساً ماتحتاجين..
طيب يابنات أنا كتبتلكم الموضوع ياحبيباتي عشان تقتنعون بكلامهم اللي قالوه انا اشوف انه منطقي
وأبي اريحكم لأن أغلبنا هنا بهذا القسم نتعلق بأي شيء لله.. وتذكرو ياأخواتي قول الله عز وجل :
((((( ان مع العســــر يســــــــــــرا )))))
انا كتبت الموضوع لوجه الله سبحانه لا لأي غرض....
وفيه شيء ودي أنوه له اتمنى اللي تقتنع فيه يامرحبا وأنا حطيته للإفاده وإللي ماأقتنعت فيه
أيضا يامرحبا وهذي وجهات نظر..

يسعدني أنكم تعطرون الموضوع بردودكم ..

:26:

أخــــتكم المحبه / أماااسي 2007
20
1K

يلزم عليك تسجيل الدخول أولًا لكتابة تعليق.

تسجيل دخول

e7ourel3ine_77
e7ourel3ine_77


الله يجزيك كل خير

جميل اننا نبحث عن الدواء و لكن لا تنسوا التوكل على الله فهو الشافي سبحانه

لا حرمكم الله من الذرية الصالحة
اميرهـ بكلمتي
والله صحيح كلامك مافيه مكان مارحت له وكل وحده كلامها غير عن الثانيه

رحت لوحده قالت علاجك عندي بس تعطيني الحين الفين وبعد الحمل الفين قالت طيب

وش العلاج قالت انتي الرحم كله هو اء مثل القدر لحطيتي فيه ماء وكبستي فيه كاس

يدخل بالكاس ماء قالت لا

قالت كل يوم تجيني الساعه خمس الصبح اعطيك علاج تاكلينه عندي

وثاني شي انتي فيك قرين ماسك الرحم

وزوجك فيه قرين عين قويه

لازم تجيني اعطيك لها علاج

قالت لها القرين اوالعين علاجها القران قالت علاجها عندي

وانا خفت منها ورحت ماعاد جيتها

وبعد يومين رحت لوحده ثانيه قالت انتي الرحم فيه التصاقات

قالت مافيه هواء قالت الهواء مايمنع الحمل

وعلاجك بسبع مائه

ورحت لثانيه قالت انتي عندك تكسل في البايض

وتركتهم وانا متوكله على ربي

الله لا اله الا هو وحده لاشريك له له الملك وله الحمد وهوعلى كل شي قدير
بنت العروبة وافتخر
الله يكون في عونك ويرزقك الذرية الصالحة السليمة المعافى
قلبي مع عيالي
قلبي مع عيالي
والله ماعاد ندري وش نصدق

الله يفرج لنا ولا نحتاجهم يارب

الله يرزقني ويرزقك بالذريه الصالحه وكل من يتمناهم
أماااسي2007
أماااسي2007
e7ourel3ine_77
أشكر مرورك العطر
اميرهـ بكلمتي
تسلمين حبيبتي على اللي قلتيه ورزقني وأياك والجميع الذريه الصالحة المعافاة
قلبي مع عيالي
لازم نتوكل على الله..تسلمين على الدعوة الحلوه