رومآنس @romans_4
محررة ماسية
قصتي انا وولدي والسيناريو صرت اتمنى الموت لي
يا أمهات تكفون ساعدوني والله بنجن من ولدي عمره 4 سنوات ومجننني حيييييييييييل من يوم هو صغير
وكل ما يكبر يطلع لي بشئ جديد انا الله عطاني ولد عصبي بالحييييييييييييل يعني لما كان عمره 3 شهور
مايسكت على طول صياح نوم مثل الناس ماعرفت انام يبيني على طول اوقف به وادور واهزة كان ماينام الا كذا
احيانا اطول ساعه ونص الين ماينام وانا واقفه به لما صار عمره سنه صار ينام على المرجوحة وطول وقته عليه لانه مايسكت ولازم ادفه بالمرجوحة
وبعدها صار على طول يضرب راسة في الطوف بس مو اي ضرب والله يضرب بشكل قوي ومستمر لين تنتفخ جبهته وتتتورم والدم يتجمع تحت الجلد
على طول يوميا يضرب راسه ولاهي مرة او مرتين في اليوم هو عصبي بالحيل جبهته على طول متورمة والله ما اكذب عليكم ولا ابالغ
استمر على هالعادة لين صار عمرة سنتين و3 شهور تقريبا يعني تم على ضرب الراس في حدود سنه كامله
وطول وقته يبي انزل تحت يبي اولاد عمه انا ساكنه في شقة فبيت حمولتي
شوي الولد الله هداه وصار ينام وهو يشاهد تلفزيون بشكل طبيعي يفهم لي اذا كلمته ويفهم اذا هددته
بس ولد ي صار شرس تعرفوا شنوا يعني شرس يعني اذا عصب يتوحش
ويضرب ويسب وهو بكل عصبيته على طول يضرب اولاد عمه يبيهم بس يضربهم ويعاندهم واحيانا ولدي الله يهديه ويكون هادئ
كل هذا لما اكون موجودة واذا كان في بيت عمه وانا مو معاه يصير الولد حبوب وهادئ
واذا شبع منهم يعاندهم بشكل مو طبيعي يروح يضرب وهو يضحك او يسحب العابهم عناد فيهم يسوي حركات استهبال
بس عندي الولد اغلب وقته عصبي احيانا يهجد ويصير حبوب ويقولي انا شاطر وما اسوي شطانه انا مؤدب
بس تعالي شوفيه اذا عصب عندي يسبني ويضربني ويقوم يكسر ويعاند ويدخل الحمام ويسبح الدنيا بالماي يكبه علينا
وغيره وغيره
احيانا احاول آخذه بالطيب مافي فايده يتفل علي اعصب عليه يزيد اضربه يزيد متى يهجد من العصبيه اذا شبع من الضرب اضربه
واعانده احط راسي براسه وانزل نفسي لعمره وهو يزيد احيانا تستمر المعركة بينا ساعه كاملة واحيانا ساعه ونص
وانا من جهه وهو من جهه وهو يصيح بس يضربني ويسبني ويتفل علي وانا اضربه واعانده ليما يتعب من الصياح
بعد معركه دامت ساعه خلاص يتعب واجلس عنه وبعدين ىخذ اقوله خلا ص حبيبي هو على طول يجي ويجلس جنبي هادئ
ويقولي آخر مرة وما بسوي شطانه وبجلس مؤدب وخلاص بعده يهدئ وتروح العواصف ويحل علينا الربيع
اذا طلعنا معاه اغلب اوقاته مشاكل ويعاند
بتقولو لي ابوه نفس الشئ ما يخاف من ابوه اللي يسويه لي يسويه لأبوه
بس ابوه يسكت عنه ويهدده وهو باستمرار يقوم ابوه ياخذ عصه ويعطيه كم ضربه محترمه من قلب يصيح صياح
وبعدها يهجد
ويوم ثاني تنعاد القصه
ومايحتر احد نهائي لا قريب ولا بعيد الحين بعطيك كف ويتفل
انا تعبت معاه مره وابوه تعب ولا ندري شنو الحل ادري ان اسلوبنا غلط وادري ان الضرب غلط بس مو قادره عليه
يرفع ضغطي بشكل مو طبيعي انا عصبيه مره وهو عصبي وابوه صار عصبي من ولده
هو بكري وعندي ولد اصغر من بسنتين بس ذاك ماشاء الله تبارك الرحمن هدوئ وخفة دم الله عوضني
والله يهدي ولدي الكبير ادعوله تكفووون
عطوني حلول افكاركم
قلت لابوه ابي اوديه استشاري سلوك اطفال رفض
وانا تعبت صرت ادعي على نفسي بالموت بسببه هلكني والله هلكني
:44:
ابو 4 سنوات ومجنني ومو قادرين عليه دائما كلمته هو اللي تمشي
على فكرة عمري 23 والشيب فقع في راساي كأن عمري 50 سنه
من قدام كله شيب والكل ملاحظ ومستغرب
شيب بشكل موطبيعي وكل م افرق شعري اشوف شيب وايد
وعلى فكرة زوجي ما عمره صرخ علي ولا ضربني ولاسبني
45
5K
يلزم عليك تسجيل الدخول أولًا لكتابة تعليق.
ضمى غيمه
•
جربي تحطينه لحاله بغرفه اذا عصب لاتجلسين تبادلينه نفس العناد والحركات وتعصبين مثله... واذا طلع رجعيه مره ثانيه لحد ما انتي تفتحين له وتطلعينه وتحذرينه مايسوي كذا ثاني وتسامحينه وتحظنينه....
الله يهديه
صدق مشكله صعبه وصدقيني كل ماراح يكبر راح تزد عصبيته ويمكن لاسمح الله يمد يده ويضربك لانه تعود انه مايحترمك ويضربك
ومن شب على شي شاب عليه
لازم تعرضينه على دكتور وهو راح يساعدك
الله يسخره ويحنن قلبه عليك
تدرين وش المشكله الاعظم هو راح يخرب عليك سلوك كل عيالك هو الكبير وهو القدوه وراح يسلكون نفس طريقته بتعامل معك
صدق مشكله صعبه وصدقيني كل ماراح يكبر راح تزد عصبيته ويمكن لاسمح الله يمد يده ويضربك لانه تعود انه مايحترمك ويضربك
ومن شب على شي شاب عليه
لازم تعرضينه على دكتور وهو راح يساعدك
الله يسخره ويحنن قلبه عليك
تدرين وش المشكله الاعظم هو راح يخرب عليك سلوك كل عيالك هو الكبير وهو القدوه وراح يسلكون نفس طريقته بتعامل معك
الصفحة الأخيرة