الولد العاق كيف اتصرف معاه؟؟

السلام عليكم
هذا واحد من محارمي عمره ٢٠ تقريبا في صغره كانت تربيته خطأ يعني الاب قاسي شوي والام تعليمها بسيط جدا ((وتربيتها لاولادها نفس تربيتها زمان اغلب الاشياء عيب)) وكان في تربيته شوي من الدلع والخوف عليه ممنوع كان يخرج مع اصحابه المسموح له كان يلعب كوره مع اولاد الجيران عند البيت هذا الين المتوسط وبداية الثانوي كان موذاك الزود بدراسته بس ابوه تعب عليه ودخله اهليه و كمان مدرسين خصوصيين وتخرج العام من الثانوي وطبعا ابوه جايب له بلاك بيري من التوجيهي او ممكن قبلها صار الولد مدمن عليه لانو مايخلوه يخرج كثير هو طبعا خجول مره وانطوائي شوي قبل فتره كلمني وقال انا تعرفت على وحده بالبيبي (وهي في منطقه تبعد عننا عشر ساعات) وحبيتها وابي اتزوجها انا نصحته وطبيعي الادمي ماراح يفهمني لانه متعلق فيها بجنون وبعدين اعطى حبيبته رقمي وتواصلت معاها وقلت لها خطأ ذا الشي وسمعتك ومن ذا الكلام المهم البنت احسها تلعب بأعصابه وهو بس يبكي بسببها الان هو تحضيري لكن وضعه تدهور امه صارت تشتكي منه وهو يلعن امه واذا حطت له الاكل يكبه كله قدامها وماياكل وبس مقفل عليه بغرفته و جنن اخواته ويفتح جوالاتهم ويرفع صوته على ابوه ويقول له كلام وسخ والاب تعبان ينكتم بإستمرار كان يبي ولد عزوه يساعده في مرضه لكن للاسف،، وكمان لقيت معاه اوراق اعذار يعني حتى الجامعه بيضيعها واصلا اهله مايعتمدون عليه الا بالمشاوير القصيره ومايقدرون يروحون معاه مشوار لمدة نص ساعه والبنزين يخلص وهو مايدري عنه واصوات بالسياره تطلع ومايعرف انها خربانه ولازم تتصلح مع ان اللي بعمره خلاص رجال يعتمد عليه

امه كاسره خاطري تكلمنا وتبكي وهو يقول لها ياويلك لو تشتكيني عند احد من اهلك بنات نفسي اساعدهم بس كيف اتصرف وكيف ممكن الام تتعامل معاه؟؟؟؟؟؟ ودي اغير شخصيته اخليه فعلا رجال امه دايم تقارنه باللي ولدوا معاه ويرجع يلعنها ويلعنهم وانا اقوول لها كذا اكبر غلط لا تقارنيه فيهم


ملاحظه بنات تربيته من الاساس كانت غلط عارفه هالشي بس كيف نصححها الآن؟؟ ولا راح اسامح اي وحده تدعي عليه لانه انسان على نياته وخواف بس فرعنته على امه وابوه واخواته ومايدخن

يوووه ي بنات الله يكفينا شر العقوق والله شي صعب