مشكوره يا اخت شيخه على الرد الحلو الله يجعله في موازين حسناتك
هل انتي من الرياض.؟
( شيخه )
•
مشكوره يا اخت شيخه على الرد الحلو الله يجعله في موازين حسناتك هل انتي من الرياض.؟مشكوره يا اخت شيخه على الرد الحلو الله يجعله في موازين حسناتك هل انتي من الرياض.؟
العفو ياقلبي
انا من الخبر وتجارتي في قطر
انا من الخبر وتجارتي في قطر
الصفحة الأخيرة
انا فتحت محل خياطه مختص بخياطة موديلات الاعراس للبنات الصغار مع الشنطه من نفس القماش والطوق للشعر
بديت بأربع خياطين رجال هنود ولأنهم مشغولين بالخياطه جبت هنديه تركب لي الورد على الطيقان والشنط والفساتين
يعني الرجال يخيطون وهي تركب الاكسسوارات من ورد وكريستال وريش ........ واذا مافيه طلبات يخيطوا للمحل وكلها للمناسبات من التور والاورجنزا والقطنيات
صحيح ربحت من هالشغله لكن على حساب راحتي النفسيه يعني عايشه بقلق متى اسلم الزبونه شغلها وهل الارباح هالشهر بتكفي الايجار ولا وبالذات ايام الاعياد لازم اكون موجوده بالمحل بشكل مستمر
فقلت للماستر انا بسلمك المحل وتعطيني كل شهر مبلغ محدد ووافق وارتحت نفسيآ وجسديآ وطبعآ الخياطين على كفالتي
هالكلام من حوالي عشر سنين ولليوم مستفيده من المحل بدون ما اتعب يجيني المبلغ شهريآ بالاضافه انه يخيط لي جلابيات البيت ولامي ويونيفورمات خداماتي وتعديل للملابس وتطويل وتقصير ويسوي عبايات لي ولخداماتي
واستفدت منه اذا رحت مكان غالي للعبايات اشتري بس الشيله وهو يطبق الموديل على العبايه واعطيه بس قيمة قماش العبايه 100 ريال واذا كان اصلي 200 ويسوي لي التوقيع مال المحل الغالي وبالضبط زيها
مره رحت محل اسمه بدون اسم هذي صاحبته وحده تصمم شفت عبايه فخمه قيمتها 2800 شريت الشيله ب150 ريال ورحت خياطي وطبق لي العبايه بالضببببببط شي ماتخيلته لان العمليه كلها تطريز متداخل الالوان وموجود بالسوق وكريستال
ومره اهدتني صديقتي عبايه كلها شك ماعجبتني عطيتها اياه يعرضها في المحل للبيع بأي سعر انا مو خسرانه فيها
ويخيط لي جلالات الصلاه ومره سوالي تلبيسه للكرسي الي تنشال وتنغسل
يعني نصيحتي لاتديرين المحل واااااايد صعب عليكي خذي منه مبلغ شهري ويخيط لك ولاهلك بسعر رمزي بتستفيدي اكثر
والله يفتح لك باب الرزق من حيث لاتحتسبين