علاج التطريش المتواصل جزيتم خيرا

وينكن ياحريم

انا ولدي كان يطرش كل الرضاعه يمكن جلس تسعه شهور وكويته عند حرمه والحمد لله الحين طيب

والله يا أختي انا ما أعرف للعلاج الشعبي أبدا

لكن نصيييحه روحي الطبيب يعطيك ابره مضاده للاستفراغ ولازم تعرفي السبب

وانتبهي من الجفاف كل دقيقتين عطيه ملعقه او معقتين سوائل لاتكثري عشان مايستفرغ قللي واستمري عشان يعوض جسمه

الله يشفيه

كم عممره وكم له يرجع ؟

انا ولدي كان له شهرر يرجع وكل شوي اوديه المستشفى عمرره سنتين

ومالقوو شي اللي يقول عادي واللي مايهتم مرره المهم لخر شي وديته للطوارئ ولقيت دكتوره والله يجزاهاا الجنه مرره فاهمه

قالت لي من الزكام عنده حساسيه والزكاام هو اللي مسبب له الترجيع

عطتني علاج حساسيه وقطره للحساسيه بعد مدة خمس اياام وولدي الحمد الله تمااام الحيين

يمكن ولدك عنده زكام

تطريش متواصل يعني زي النافوره يطلع
ولا كل شوي يطرش؟

اذا زي النافوره فيه براد دهني مواطي رجليه بفكس ولبسيه شراب

اذا كل شوي يطرش وفيه اسهال له ريحه غريبه هذي نزله معويه
انتبهي منها لان تسبب جفاف شربيه شوي سفن حلو للنزله او محلول الجفاف
ولا تشربينه حليب لانه يزيد النزله عطيه شوي بس

بس ماقلتي كم عمره ؟؟

والله يشفيه ان شالله