قصة غير عن ككل القصص

الأم .. وما أدراك ما الأم .. إنها إحساس ظريف .. وهمس لطيف .. وشعور نازف بدمع جارف ..
الأم .. جمال وإبداع .. وخيال وإمتاع .. وجوهره مصونة ولؤلؤه مكنونه ..
الأم .. كنز مفقود لأصحاب العقوق .. وكنز موجود لأهل البر والودود ..


امي وما ادراك ما امي
انا راح ابدأ واتكلم عن امي
امي عندي تسوى الدنيا وما فيها

امي قبل ثلاث وعشرين سنه جابت اخوي القعده واتعبت ونقلو لها دم
لانو بغت تموت كانت حامل باخوي وكيس كبر الجنين
المهم جلست بالمستشفى يمكن شهر او شهرين وقتها
ابوي الله لا يحرمنا منه تبهذل
المهم نقلوا لها دم ومن اول ما نقلوه وهي تشوف بشرتها تغيرت
انقلبت الى سوواد
وربي كانت تقول نقلوا لي دم عبد
وكنا نضحك عليها
وتجعدت يدينها وحوالين عيونها يعني الي يشوفها يعطيها اكبر من عمرها
عاد مرت السنين وكبرنا وهي بدأت تحس بوجع ببطنها وحراره قويه
وما كانت ترضى تروح للمستشفى ومستححيل تفكر تروح
المهم زوجتنا كلنا ما عدا اخواني اثنين اصغار
تعبت معنا بحياتنا ماخذا همنا كلنا
تفكر فينا وتحاتينا واذا حست وحده منا زعلانه تقعد تبكي الليل كله
المهم قبل ثلاث سنوات من الحين زاد تعبها واقنعوها اخواني
تراجع بمستشفى الحبيب بالرياض
ووافقت وراجعت اخذت قريباً شهر وطلع عندها فايرس الكبد(c)
وطلع عندها الغده اصرفوا لها حبوب للغده
وهي كانت سميين ونحفت ووصل وزنها خمسين
ورفضت تاخذ علاج للكبد واستمرت على الرقيه الشرعيه مع عسل وحبه سوداء
يمكن اخذت سنه وهي على هالحال وتروح تراجع كل فتره
وكل مره يقولون نازل الفايرس بالكبد
سبحان الله اليين اختفى من كبدها تماماً
واخواني اسمعوا انو العسكري بالرياض زين
حولو اوراقها للعسكري وصارت تراجع فيه الفتره الاخيره
اليين قالوا لها خلااص لا تجين ما عاد فيك شي
والحمدالله انبسطنا وحتى هي استانست
بس بعد كذا بدأت تطلع لها حساسيه قويه بكل جسمها
ما عادا الوجه والكف والقدم كانت تطلع دم وبس تحك فيها استمرت
على هالحال الين شهر اثنا عشر مو هذا الي قبله بس قبله بدأت معدتها تتعب
وترجع لها الحراره المهم بعد شهر اثنا عشر بداء ينتفخ بطنها
الين صار مثل بطن الحرمه الحامل بالشهر التاسع تخيلوو
المهم كانت ما تبي تقول لاي احد الين نجيها بالاجازه النصفيه
احنا يا بناتها المهم جو خواتي واخترعوا من بطنها وربي كانت صدمه
اصلاً وااضح انو مو طبيعي الانتفاخ
خواتي قالوا لاخواني واخذها اخوي للمستشفى وسوو لها تحاليل
وكانت الصدمه