السلام عليكم ورحمة الله - سبحان الله - الناس معادن مختلفون كأنواع تراب الارض - الله يصلحكم يا بنات بعضكم ردودهم جدا قاسيه وبطريقه مغروره شايفا نفسها اهل الشرف الملائكي في الارض بنت الحسب والنسب والمكانه وكانها ضامنه منزلتها عند الله ومرتبتها الاخرويه قبل الدنيويه - يعني البعض الا كانت طريقه ردها بسب وذم للجنسيه الافريقيه وبالاخص بنات المدرسه الا صار فيها الشغب يعني حكمت واتكلمت في عرض ناس واتحملت ذنب (كل المسلم على المسلم حرام دمه وماله وعرضه) ايش عرفك يا اختي باخلاق الناس يمكن فيهم البنت الى منزلتها انتي في القاع وهيا في القمه عند الله لاحول ولا قوة الى بالله وغير الا قالت (
تكارنه وسخييين وع وع وع وع ) لا اله الا الله يا نظيفه انتي من الذنوب يا شريفة الاصل يا دينه _ انتي مين عشان تتكلمي في عرض المسلمين اشققتي عن قلوبهم ورأيتي مكانتهم عند الله ماهي ام انتي من سيدخلهم الى الجنات او الى جهنم بالله انتي ضامنه منزلتك عند الله - ناس همج وعنصريين ومتعصبين ومتكبرين هذي مهي اخوه الرسول صلى الله عليه وسلم قال (دعوها فانها منتنه) كل جنس في الطيب وفيه البطال ليش كذا الان الارهابيين والمشاكل الا سوها مش قاعدين ندعي لهم ليل ونهار ربي يهديهم طيب ليش ما نكلف نفسنا وندعي للناس هذول ولا خلاص عشان هما مش من جنسنا نكرناهم ونسينا اننا عند الله يمكن هما احسن مننا - وعلى فكره النيجيرين يعتبروا من الاعراق الاصيله المعروفه في افريقيا عمي يزور نيجيريا وله اصدقاء يحبهم من اصل نيجيري وهيا دوله غنيه فيها نفط مثل السعوديه ودوله فيها غابات والماس وذهب مثل ما حكانا عمي يعني راسنا براسهم ما عادا اختلاف لون البشره وهذا الكلام للناس الا تفكيرهم الدنيا (لوني ولونك - ومستواي ومستواكي - واصلي واصلك - و.........) الله المستعان
وعلى فكره انا سمعت هذي القصه عن سبب عيش النيجيرين هنا في السعوديه - إنهم ناس مثل ما سمعت دينين جدا وكل سنه يحجوا ويرجعوا للحج للعام الجديد لذلك سموهم التكارنه من التكرار والتردد وبعضهم بسبب مستواهم المعيشي اما فقراء لايستطيعوا الذهاب والعوده كل مره او اغنياء وكبروا في السن ظلوا هنا في السعوديه بدلا من الذهاب والعوده كل عام لاجل العباده والتقرب الى الله في اخر حياتهم وعاشوا وانجبوا ابنائهم هنا لذلك في منهم من يحمل الجنسيه السعوديه وانا اعرف ناس كثير منهم وراقيييييييييين واخلاق ومستوى علمي وشهادات ومنصب ومستوى مادي جامد -
واحنا كلنا عارفيين ان في ناس في مكه ذو مناصب من دول اخرى عربيه او غير عربيه وعايشين في مكه ليس لاجل الحاجه الى الناس ولكن لاجل طلب القرب من الله وبيته العظيم -
يعني هؤلاء لانهم ناس بعضهم فقراء صاروا كخه الله يصلح قلوبنا ( ربنا لاتجعل في قلوبنا غلا للذين اءمنو ربنا انك رؤوف رحيم) - لاتنسوا في الجنس الواحد تنطبق الايه الكريمه (ورفع بعضكم فوق بعض درجات) يعني مش هذي الايه مثلا للخليجيين ضد عرق اخر زي مافي تصور البعض الله يهديهم - والدرجات هذي في كل امر من امور الدنيا (اخلاق - نسب قبيله - ماده - اجتماعي - فكري - نفسي - .....) -
وكمان احنا عارفين سبحان الله كل انسان يحن للمكان الى اتولد وعاش فيه بالقريب الواحد فينا اذا اتولد وعاش في مدينه وكبر وحول لمدينه ثانيه وجدانه يحن لمكان الولاده وسبحان الله يرجع لها مهما كان يعني هذا الشي ينطبق علينا احنا عشان هذي بلدنا لكن غيرنا حرام عليه ليش مش هما بشر زينا لا اله الا الله الله يهدينا ويهدي سرنا
نوف مكه @nof_mkh
عضوة فعالة
ردا على موضوع 300 طالبه احثن شغب داخل متوسطه 17 بمكه مهههههههههههههههههههههم جدا
57
5K
يلزم عليك تسجيل الدخول أولًا لكتابة تعليق.
دموع الصيف
•
تسلم يمناك
الكادي33
•
عز الله انك بردتي قلبي الله يستر عليكي يعني ما يصير شي لو قلتو الله يهديهم بس ايش اقول غير الله لايبلانا بالكبر........
قال الرسول لا يدخل الجنه من في قلبه مثقال ذره من كبر
ينصر دينك يا نوف مكه:39:
قال الرسول لا يدخل الجنه من في قلبه مثقال ذره من كبر
ينصر دينك يا نوف مكه:39:
الصفحة الأخيرة