مرحبا بنات
انا كنت اسوي خلطة رموش للبيع وفعلا تطول الرموش وتكثفها وتقويها
انا جربتها على نفسي قبل لا ابيعها
المهم
الخلطة هذي تكفيج وايد وتقدرين تعبينها في علب ماسكارا فاضية تنظفينها عدل وتغلين العلبة وتعقمينها بعدين تعبينها من الزيت
اسمها خلطة دلع
لأنها تخلي عيونج دلوعة لما تطول رموشج
وانا للامانه جربتها على نفسي قبل لا ابيعها لأن مابي ابتلش مع بنات خلق الله وبالاخير ما تفيد
طريقتها انج تحطينها مثل اي ماسكارا وتنامين فيها للصبح وتغسلينها علشان ترتاح العين
وتقدرين اي وقت تحطينها
بس احسن شي بالليل لأن تكونين نايمة ومرتاحة وماتفركين عينج او شي
بس لا تغرقين رموشج لأن يمكن يسيح الزيت ويدخل بيعونج بعدين يحرقج
انا مالي شغل ترى
اللهم بلغت اللهم فاشهد
المقادير :
قفشتين وسط زيت الحبة السودا ( حبة البركة )
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق ) عند الحواي
قفشة وسط عسل نحل طبييييييييييييييييييييييي عي
قفشة شاي من :
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع
وهذا سر هالخلطة
الحين
تخلطين هالمكونات كلها في طاسة صغيرة وبعدين تعبينها بغرشة الماسكارا
وتستعملينها عادي مثل ماقلتلج بالليل احسن
بس للامااااااااااانة
انا جربته على نفسي وبنات خالاتي وخالتي بعد وبعت منها وايد وايد كمية كبيرة
كل اللي خذوا رجعوا بعد اسبوع مع بنات خالاتهم ورفيجاتهم وخذوا منها
خالتي كان فيها المرض الشين قبل 4 سنين اسمالله عليكم وعالجت بالكيماوي
وطاح شعرها كله وحتى رموشها وحواجبها
يوم طلع الشعر مرة ثانية طلع شعر رموشها قصير ومو مثل اول
يوم عطيتها هالخلطة وجربتها اسبوعين صارت عيونها مسبلة ورموشها طالت واستانست وايد
المهم
هذي الخلطة صارت بين ايدينكم
النتيجة تشوفينها من ثاني اسبوع لما بتحطين ماسكارا سودا العادية بتلاحظين الفرق الواضح
بيصير كأنج مركبة رموش وهذي صارت معاي
امي قالتلي شنو مركبة رموش ؟؟
اللي تفيد معاها بليز لاتنساني من الدعوات بظهر الغيب
ولا تقولي انها دعتلي مابي اعرف
خليها بينج وبين ربج
منقول للفائده
للامانه انا مجربه الخروع لوحده ومررره نفع معااي وطول رموشي وحاليا استخدم هالخلطه
دعواتكم لي بالزوج الصالح وبالوظيفه وان ربي يستر علي بالدنيا والاخره ويحقق اللي اتمناه
احساس الورد11 @ahsas_alord11
عضوة نشيطة
هذا الموضوع مغلق.
عزي إيماني @
•
جزاك الله خيرا مع ان طلباتها كثيره ولكن بنجربها
الله يرزقك ويرزقني الزوج الصالح والوظيفه المناسبه ويستر عليك دنيا وآخره ويعطيك ماتتمنين ويرضى عنك ويرضيك ياااااااااارب وللمسلمات جميعا يااااااارب
الصفحة الأخيرة