الصلاة و السلام على رسول الله و على آله و صحبه أجمعين
صبايا هاي الكيكة من أروووع الكيكات صراحة .. كل اللي داقها انبسط على طعمها ما شاء الله ..
إن شاء الله يا رب تجربوها و تعجبكم ..
المقادير :-
تلات بيضات / شوية فانيلا
تلات ارباع كاسة سكر ( انا خففت السكر لئني بحط توفي عالوجه فإزا رح تستغنو عن التوفي خلو السكر كاسة او كاسة و ربع حسب زوئكم )
تلات ارباع كاسة زيت و الأفضل زبدة سايحة
تلات ارباع كاسة حليب سائل
معلقتين و نص صغار بيكنج باودر
جزرتين وسط مبشورتين
نص كاسة جوز هند
كاسة و نص طحين منخول
معلقتين و نص صغار قرفة ناعمة
صوص التوفي :-
انا اخدت طريقة هنوووودة العسل
فنجانين سكر بتكرميلهم بس ديري بالك ينحرقو
بتحطي عليهم علبة قشطة ( مع مراعاة نقع علبة القشطة بماء ساخن نص ساعة قبل البدء بعمل التوفي)
لما نحط القشطة بنحرك بسررررررعة و بنشيلهم عن النار
و انا من عندي اضفت عالصوص نص معلقة صغيرة قرفة و اعطتها نكهة مميزة جداً
هلأ الطريقة :
بنخفق البيض مع الفانيلا على سرعة عالية لحد ما ينفش
بنضيف السكر بالتدريج
بعدين الزيت او الزبدة
بعدين الحليب
هلأ بنهدي السرعة (و بنكون خالطين الطحين مع البيكنج باودر) و بنضيفو عالمزيج شوي شوي بالتدريج
بعدين بنحط القرفة و جوز الهند و بنخفق شوووي
بعدين الجزر و بنحركهم بس بهالمرحلة لا تخفقو كتير يعني يدوب يتجانسو مع باقي المقادير و ممكن تحركوه بالمعلقة
يـــتـــبـــع ....
تم بحمد الله ..