قلبت مصري اخباركم اخلصي علينا
تصدقون يابنات كنت في معانااة مع تنظيف طاولاتي القزاز ومع المرايات ومع كل شييييي:icon33: كنت امسح ما كأني مسحت واخر شي من التعب:09: قلت مالي الا ادخل طاولاتي القزاز الحمام وانتو بكرامة واغسلها والله كبيرة تتعب مرة واخذ الاسفنجة وصابون وادعكها لمن قالت بسس عاد انا انبهرت يوم شفت القزاز بالموية يصولق :) قلت وش هاللمعة واجيكم فرحانة وارجعها مكانها والله يابنات ماامدى نشفت الا وتعالو شوفو البياض فيها مو لمعة اقصد لا لا كاني كبيت عليها حليب:( مانفع معاها قلت خسارة تعبي فيها وانا ادري اخطيت يوم غسلتها بصابون
واخيرا لقيييت الحل الفتاك اسأل الله ان يوفق من كتبت هالحل لي وانا اقلب بالمنتدى حصلت وحدة من الاخوات بس مدري مين الله يجزاها الجنة تقول خذي قطعة من بناطيلك الجينز وبلليها وامسحي فيها المرايا وشوفي كيف انا هنا ماصدقت قلت لا فرجت فرجت واروح على دولابي واطلعلكم جنز وبالمقص تشك تشك وابللها بملمع المرايا واجيكم على الطاولات حقة غرفتي وامسح وااااو اقسم بالله كأنها عطتني مليون الله يسعدها من جد يابنات تلمع وتنظف مو زي الجرايد فية بنات يقولو بفنايل ازواجهم بس انا قلت لا بتعود واخلصها علية ههههه بس صراحة مرة مرة مرة نفعتني الحركة حتى جهازي اللاب مسحتة فية واليكم الصور مبسوطة الاخت ادري قلت قصة حياتي بس وش اسوي مستانسة
هذي طاولات الجلوس كم عانيت منها
وهذي صورة مراية غرفتي
وهذي صورة جهازي بعد مالمعتة
وبسس كان ودي اصور لكم القطعة اللي مسحت فيها صعنونة تهبل ههه الله يسعد الجنز حقي لازم اعطية بوسة كبييييرة هههههه
اتمنى افدتكم يمكن بس انا اللي اعاني ههههههه
:26: