ما ادري مشكلتي طبيعيه او لا

صباح الخير على الجميع
وكل سنه وانتم طيبين بمناسبة السنه الميلاديه الجديده
اول شيء انا الحمدلله ربي اكرمني بخمسة اطفال ثلاث بنات وولدين اصغر عيالي عمره سنه وثلاث شهور
مشكلتي ابتدت من بعد ماجبت مولودتي الثالثه بسنه وسته شهور
سلفتي جابت بنت واخت زوجي جابت بنت وانا اموووووت في البنات الصغار
كنت ما اصدق على الله حتى اشوف بناتهم واجلس اشيلهم والاعبهم حنييييييييت اني اجيب بنت كانت امنية اتمنى تتحقق وقتها كان عندي بنتين وولد
رزقني الله بالحمل وجبت بنت عشت معاها كل يوم بيومه كنت اصحى الفجر واطلع في غرفه لحالنا انا وهي اهتميت فيها على مدار الدقيقه كنت اشيلها طول الوقت واحممها مرتين كل يوم وابدل ملابسها كل كم ساعه كنت احاول اني اشبع رغبتي في الاهتمام فيها عشان ما ارجع احن للبنات واتمنى الحمل وانا صار عندي 4 اطفال متقاربين في العمر
جلست سنتين تقريبا وحملت وجبت ولد كنت اهتم فيه مثل اي ام عادي
الحين كبر وصار عمره سنه وثلاث شهور
وسلفتي وزوجة اخوي جابوا بنات مشاء الله وتعلقت فيهم بقووووه
لدرجة اجلس اتأمل صورهم في اليوم عشرين مره واذا جو عندنا اشيلهم وابوسهم طول الوقت
وللأسف تمنيت اني احمل واجيب بنت 😒
مع اني ارضع طبيعي وما استخدم مانع عزل احيانا
حاولت المح لزوجي بس قلتله اتمنى احمل واجيب بنت بس بعد كم سنه جلس يعلق ويقول ماشبعتي ماطفشوك عيالك
قلتله عادي احب البنات وبعدين قلتلك بعد كم سنه وانا في قلبي اتمنى اليوم قبل بكره مع ان حملي متعب جدا واطفالي مزعجين ومسؤليتهم كبييييره خاصه وانهم اثنين في المدرسه صف اول وثاني ابتداىي والثالثه السنه الجايه بتدرس يعني كرف على غير سنع .
بس انا ماني قادره ابعد الفكره هذي من راسي اجلس اذكر نفسي كيف اني اتعب في الوحم والحمل وكيف اني اتعب مع عيالي وقت النفاس وكيف ان زوجي يطفش من كثر تعبي ومشاكلنا تزيد بس حتى لو الفكره هذي في راااااسي 😢
اقسم بالله يابنات اتمنى بكل مافيني اجيب بنت
ما ادري كيف ابعد الفكره هذي عن تفكيري حاولت اتجاهل الموضوع ماقدرت ادري اللي كاتبه الله بيصير لاكن عجزت اغير تفكيري
لي فتره احاول افطم ولدي بس مارضي يجلس يبكي اتعوذ من الشيطان وارجع ارضعه
كلامي كثير لاكن والله العظيم عجزت في نفسي عقلي يقولي بلا جنان وقلبي يقولي اسوي الاسباب عشان احمل
تتوقعون اللي فيني طبيعي او لا
وفي احد مثلي والا بس انا 😭