بسم الله الرحمن الرحيم
بسم الله الذي لا يضر مع إسمهِ شيء في الارض ولا في السماء وهوً السميع العليم
مآشآءلله لا إله إلآ الله اللهم صلي وسلم على سيدنا محمد
شلونكم حوائيات ان شاءلله بـ اتم الصحه والعافيه
بعض الامور اللي جربتها واحسها نفعتني وبسيطه وما تعب واصلا بتتخذينها
من ضمن جدولك اليومي ..
أحسن زيتين بتنعيم الشعر وتطويله وتثقيله هم
زيت كيشور دهني تخلطينه مع زيت جوز الهند c . p .c بو ريحه شينه وغطاه لونه احمر
عن تجربه :) وقطي كل خلطات الشعر القديمه إللي عندج لان ما يدمر الشعر
إلآ خلط أكثر من زيتين مع بعض دماااااااااااااار للشعر وتقصف وخشونه
لانكم قاعدين تخلطون زيوت بارده مع حاره وزيوت فيها نفس القيمه ونفس الفايده وراح تكون بتركيز اكثر لو خلطيته وبجذي يكون ثقيل على الشعر وقوي عليه وبدل
ما يفيده يضره..وش لكم بصرف مبالغ كبيره على زيوت كثيره على ولا شي وبلوشي.؟!
عليكم بجوز الهند بو علبه خضرا قديم و كيشور دهني وفكي نفسك مرتين إلى ثلاث مرات بالاسبوع ونتيجه خيال من النعومه والتطويل و الثقل حتى تحسين شعرك حيوي
من بعده
لاتتكبرون عليهم تراهم رخاص بس قمه ..
واحسن فيتامينات شعر جربتها وثقلت لي شعري هي ( هير فيت ) اذكر اني حطيت
موضوع عنها .. وحطيت صورتها .. هذا برنامج الشعر
اما للوجه والجسم
استخدمت افوكين 4% لون كرتونته برتقالي
وهو للكلف والتصبغات الجلديه استخدمته لوجهي
والحمدلله لا إله إلآ الله .. مآشآءلله تبارك الرحمن .. إرتحت عليه بس نصيحه استخدميه شهر مرتين باليوم
قبل النوم واول ما تصحين من النوم..هو معاه واقي شمس اللي كرتونته برتقاليه .. وخليه على الاقل اربع ساعات
يعني مو تحطينه بعد نص ساعه تتوضين عشان تصلين جذي ما تستفيدين خليه قبل الصلاة بـ أربع ساعات وقبل النوم..
و بين الصلوات انصحج بـ كريم الكولاجين إما من رويال أو ستيفنز .. وقبل ما تحطين أي كريم .. سواء للتبيض او
للترطيب لازم لزوم تغسلين الويه بـ غسول البشره انا استعمل نتروجينا ..أوٍ تسوين سنفره لويهج.عشان تستفيد منه البشره ويشيل الجلد الميت . وكريم فيد اوت البني بعد ترى يهبل
كذآلك مفعوله بطئ ويبي له مده على ما يبين وهذا إن دل فهو يدل على انه نسبة الكيرتزون خفيفه وهي فيه فقط لتفتيح التصبغات
الجلديه الناتجه عن الضوء واشعة الشمس او البثور والجروح .. يعني مو انتي سمرآ وتبين تقلبين بيضآ..نو وي إستحاله اصلا..
للجسم حمام مغربي مرتين بالاسبوع ..
وكل ما تتروشين سوي له سنفره .. واجلسي عليها خمس دقايق ..احسن سنفره هي كآب أو ستيفنز بالمشمش
خلصتي سبوح.. تدهني بكريم ( الكولاجين من فازلين للجسم ) بس من دون ما تدهنين الركب والاكواع.
الركب و الاكواع : حطي لهم فازلين بترولي خالص.. تلاقونه عند الهنود
فازلين بترولي < انتبهو مافيه عطر ولا فيه شي يرطب بعمق ..
وللشفايف اذا جيتي تحطين لويهج كريم الكولاجين اما من ستيفنز او ريال حطي
على شفايفج مسحه وحطي فوقها مرطب لابيلو الكرز
ونامي مبجر
وإكلي جرجير وجزر وعصاير طازجه خصوصا البرتقال مرتين باليوم
والعسل الاصلي على الريق بماي دافي
كل هالاشياء سهله ومتوفره وبسعر رخيص وبتكونين أحلى الحلواات
كل ما بسطنا بعنايتنا كل ما طلعت النتيجه روعه .. مو شرط بتكليف جذي انتي بتمليين
سهليها وتتسهل وانتي المرتاحه
ولله هالجدول مريح ويجيب نتايج حلوه ومبسط
إدعوا لي إن رٍبي يوفقني ويرزقني الزوج الصالح إللي يحب الله ويحبني عآجلا غير أجل ويحفظ لي أهلي
ويشفي لي قطوتي ويرزقني الوظيفه ولكم بالمثل يارب :(
يلزم عليك تسجيل الدخول أولًا لكتابة تعليق.
**ضيء القمر**
•
جزاك الله الجنة ياااااااااااارب
تسلموون لي حبيبااتي ولكم بالمثل حبيباتي
بالنسبه لزيت كيشور لا مافيه ريحه بالعكس اصلا فيه ريحة ليمون
وبيطغى على ريحة النارجيل الشينه
وبتقولين ما قلت جربيه وبتنتهي ريحة زيت جوز الهند بو ريحه :D
بالنسبه لزيت كيشور لا مافيه ريحه بالعكس اصلا فيه ريحة ليمون
وبيطغى على ريحة النارجيل الشينه
وبتقولين ما قلت جربيه وبتنتهي ريحة زيت جوز الهند بو ريحه :D
الصفحة الأخيرة