اش هذا؟؟؟؟؟ / تم تعديل العنوان

السلام عليكم ورحمة الله وبركاته

بنات ...............اشتقت لكم


الاسبوع هذا صار لي موقف غريب ومخيف في نفس الوقت

هذا ياطويلات العمر رحت مع زوجي وعيالي3 لرأس تنورة ...................بنقالي بتمشا المهم

دخلت علينا صلاة العشا دورنا مسجد الا واحنا في حي اسمه حي قرطبة شكله راقي ولقينا مسجدين واحد عادي والثاني كشخه وكبير واسمه مسجد الصحابة وحتى فيه مغسلة اموات اخترت انا الكبير(وش اسوي حتى في المسجد احنا الحريم نحب الكشخة) ونزلنا ...........الشيطان قالي عيدي الوضوء والا انا واضيه وخالصه المهم كان معي بناتي الكبيره صف اول والصغيره سنه وكانت نايمه فحطيتهم في المسجد ودخلت اتوضأ ما طولت حتى ما دخلت الحمام الله يكرمكم لما طلعت الا وبنتي خايفة وتقول ماما في ولد اخذ شنتطك انا قامت قروني وانفجعت اخذت بناتي وطلعت عند سيارتنا وقفها زوجي قدام الباب سالت بنتي قالك شي ؟؟؟كلمك؟؟؟؟ لمسك؟؟؟؟ كله تقول لا سألتها عن اوصافه قالت زي اخوــــــــ (وحده تقرب لي) يعني ولد بالثانوي وعطتني اوصاف لبسه تقول لابس بدلة رياضه المنتخب وسروال ابيض
وانا انتظر طالعت يمين .............يسار يمكن نشوفه قدام الحديقه لمحت رجال بس مدري من الخوف ماعاد اشوف او احس بشي ......لما جاء زوجي من الصلاة علمته عن كل شي بغا ينجن..........راح وكلم الامام والهندي اللي يشتغل في المسجد يقول قد صارت مو اول مرة(لاحول ولا قوة الا بالله)


فرفرنا حول الحديقه والمسجد وسوبرماركت المزرعة قلنا يمكن تشوفه البنت بس قالت لا ولا واحد منهم ..........بعدين احنا مشينا على الدمام وانا اقول الحمدلله انه ماجا البنات والله كان يصير فيني شي
بلغنا الشرطة .............والغينا جوالي وبطاقة البنك


طوال الطريق وانا اتحسب على الولد وادعي عليه................. هذا مسجد وحريم بعد .....انا الى الحين لما اتذكر يجيني رعشه في جسمي اتخيل لو انه سوا شي بناتي


والله لو السالفه صارت في سوق او مستشفى او حتى الحرم وهو حرم كان اهون بقول انا مهمله او اي شي بس مسجد مغلق وحق حريييييييييييييييم ...انتوا مستوعبين معي حق حرييييييييييييييييم كيف تجي ولد يدخل على حريم وعلى فكرا ماكان في المسجد حريم والا ماكنوا بيقصرون ...انا اقول الولد كان مراقبنا والا كيف عرف انه مافي الا انا وبناتي.....

ادري بتسألون بنتك لييييييه ما صاحت ما تكلمت ...لاني هريتها أسئلة تقول خفت ومرة نسيت بس ما الومها من الصدمه وغير كذا بنتي مو شجاعه وخجولة بالمرة معلمتها بالموت تسمع صوتها حتى لما تجيبها قدام عندها

اختي تقول يمكن لو كانت صاحت كان راح يأذيها خيرة انها سكتت الحمد لله على كل حال ..... اهلي لاموني كثيييييييييييير مدري على ايش ....... بالله انا اخطيت او اهملت .يمكن اهمالي اني خليت بناتي في المسجد وحدهم والله اول مرة حتى لما ادخل الحمام دايم الصغيرة ادخلها الحمام والكبيرة اسولف معها من برا ..بس هالمرة بنتي الصغيرة كانت نايمه وطبعها شين اذا قامت من النوم ما شبعت نوم وهي دوبها نامت فقلت خليها نايمه احسن اعرف اصلي زين.....

انتوا اش رايكم ...وين غلطت انا ....او اهملت ....لاني الى الحين مرة تعبانة من هذا الموضوع ...


ادري طولت عليكم ...بس حبيت افضفض واسمع اراء ثانيه يمكن انا قصرت بدون ما احس..