كيفكم ياحلوت
اول شي اعتذرلكل البنات اللي وعدتهم عن تاخري بالموضوع بس طمعانه في انكم تعذروني لان سبب تاخري هو اني واجهت مشكله في تحميل الصور ولكن بحمد الله انحلت
المهم تكلمت في موضوع سابق عن الاساس الطبيعي اللي يغطي العيوب ويعطي اضاءه ونظاره ويفتح اللون للي تحب التفتيح بدون مايكون شكله مثل القناع وكان حديثي عن الاساس للطلعات العاديه والصباح
واليوم ابقول لكم عن طريقتي الخاصه في تزيين البنات اللي ذوقهم صعب ولايعجبهم تزيين الكوافيرات ابدا بسبب انهم يطلعون وكان على وجيههم اقنعه مصطنعه
فاذا كنتي من هذا النوع فانا عندي لك الحل المناسب حتى تكوني في اتم الرضا والسعاده من شكل بشرتك ولونها وبكذا تكتفين فقط بتزيين عيونك عند الكوافير لكن الفاونديشن انتي اللي اشتغليه بنفسك والنتيجه بتكون
وااااااو :27: روعه لون طبيعي ونظاره والناس تشوفك اصغر من سنك او على سنك الطبيعي لان فاونديشن الكوافيرات يبين الوحده وكانها عجوز طبعا هذا بسبب سوء اختيار المواد المناسبه لكل وحد (يعني هي علبه وحده يلطونها لكل البنات بدون تعب ويليصون لين تصير زرقاء والابيضاء مثل الجبس مع احترامي للجميع )
مثل هالصوره مثلاً اللون سيء
المهم:
نصنف البشرات الى ثلاث انواع :1- البشره الحنطيه الى البيضاء واللي تكون طبيعتها جافه الى عاديه .
2- البشره الحنطيه الى البيضاء واللي تكون طبيعتهامختلطه الى دهنيه .
3-البشره السمراء الى السوداء .
وهذي هي الادوات المستخدمه كامله
أول شي نبدأ النوع الاول من البشرات
990066
وهذا ماهي صعبه ابداً
1- نحط البيس المناسب للبشره يعني البشره اللي يغلب عليها الاحمرار نحط البيس الاخضر من فور ايفر
اما البشره المرهقه الباهته واللي يكثر فيها المشاكل وتحتاج تغطيه تحط البيس البنفسجي عشان يهيئها
واللي ودهل تفتح لونا تحط البيس الابيض
2- نستخدم كريم اساس ايف سان لوران المذكور في موضوعي السابق رقم 7 اللي على اصفر (تاكدي من انه على اصفر)
وهذي صورته
3- نضع بودرة ايف سان لوران الكومباكت باودر رقم 3 لانها مناسبه معاه كثير وهي تعطي اضاءه قويه وتفتح اللون زياده وهذي صورتها
اما اللي ماتبغى تفتح اللون فتستخدم البودره السايبه من فور ايفر رقم 22 واللي موجوده صورتها مع اساس ايف سان لوران .
المشكله عندنا في البشره الدهنيهلان البشره اللي تكون دهنيه كثير تكون تلمع كثير ومهما كانت نوعية الفاونديشن اللي تستخدمينه ومهما كان ثابت بيسيح ويلمع وماراح يثبت وطبعا تزيد المشكله مع البيس لانه يدهن بالبشره طيب والحل؟
اقوللك
1- طبعاً العنايه المكثفه بالبشره الدهنيه
2- لاتضعي اي كريم مرطب قبل المكياج حتى لوكان فري اويل ( بدون دهون 9) ولكن استخدمي مستحضر شيسيدو لقفل المسامات ويعمل كنترول (تحكم) في افراز الدهون على البشره وهو مستحضر رائع وكان مفعوله فتاك على اولا وعلى البنات ثانيا وممكن تستخدمين هالمستحضر كعلاج يومياً في المساء وممكن تكتفين بوضعه قبل المكياج ولابد تتاكدين انه نشف على وجهك وعلى قد مابشرتك دهنيه على قد ماتحطين منه يعني لاتبخلين فيه ولما تحطينه بتحسين انه منعش فييه بروده مثل برودة النعناع نوعاً ما >>>>>>> ما اعرف اوصف
المهم هذا اسمه
shiseido
pureness
pore minimizing
essence
وهذي صورته
2- لتفتيح اللون بشكل غير مصطنع ولاخفاء العيوب وعوضاً عن استخدام البيس بنستخدم فاونديشن من نينا ريتشي كطبقه اولى خفيفه وتستخدمينها كانها مرطب مو كانها فاونديشن يعني تحطين منها شوي وتدلكينها على البشره الين ماتدخل فيها وتزيدين الكميه شوي على المناطق اللي فيها عيوب وعلى الوجنتين عشان تعطيها اضاءه حلوه ميزة هذا الفاونديشن انه لونه ابيض تقريبا وهو تركيبته مثل المويه يعني مافيه اي دهون وايضا يعمل كنترول لافراز الدهون في البشره ومثل ما قلت نستخدمه مكان البيس ويؤدي وظيفة البيس
واسمه كاملا
nina ricci
teint controle
impeccable
flawless control
foundation
61
base lumiere opalescente
وهذا اللي مكتوب على العلبه من تحت
وهذي صورته
وعلى فكره هالخطوه بس للي عندها عيوب في بشرتها او للي تبي تفتح بشرتها لكن اللي ماتحب اللون الفاتح مافي داعي تسويها .
3-مثل الخطوه رقم 3 في مكياج البشره الجافه.والنتيجه مثل هذي .
وهذي
نجي الحين للبشره السوداء الى السمراء :وهذا النوع من البشره اللي دائماً يكون مكياج الكوافيرات عليهم في منتهى الازرقاق <<<<<<<<< حلوه الازرقاق مع ان هذا النوع من البشرات سهل التعامل معه بس يحتاج ذوق طيب اشلون ؟
1- نحط فاونديشن نينا ريتشي المذكور آنفاً في الخطوه رقم 2 للبشره الدهنيه وبنفس الطريقه المذكوره وبكميه قليله الى متوسطه. وبتلاحظين ان لونك صار ازرق لكن لاتخافين عادي بنصلح اللون في الخطوات الجايه
2- نحط بيس فور ايفر الاصفر رقم 6 طبعاً بتقولون كيف نحط البيس بعد الفاونديشن وبقولكم ان الفاونديشن اللي حطيناه قبل كان الغرض منه تفتيح لون البشره عشان كذا ندلكه الين يدخل في المسامات واذا حطينا البيس بعدها نكون مزجنا بين اللونين وطبعاً مانقدر نعكس لان بيس فور ايفر يكون طبقه على البشره ويمنعها من تشرب الفاونيشن .
وهذي صورة البيس
3-نحط فاونديشن ايف سان لوران بكميه متوسطه واللي يحدد لك الكميه الوجنتين طالعيها وحطي شوي شوي فاذا وصلتي للون المطلوب على الوجنتين وقفي لاعاد تزيدين .
4- بتلاحظين ان لون الوجنتين كويس لانها غالبا افتح من باقي مناطق الوجه وعادة تكون اكثرها صحيه لكن المناطق الغامقه واللي تكون عادةً على الذقن وقريب من منابت الشعر يبكون لونها ازرق وعشان تتخلصين من هالمشكله تضعين بطرقة التربيت وبكميه قليله جداً تزودينها الى ان تحصلين على لون طبيعي مو ازرق من فاونديشن نينا ريتشي الغامق واسمه
nina ricci
teint effet glabe
spf15
contouring cmplexion
fluid spf 15
06
teint medium rosee
وهذي صورته
وبتلاحظين ان لونه ماصار فاتح مثل الوجنتين وهذا شي عادي اهم شي انه مو ازرق
5- تستخدمين بودرة فور ايفر السايبه رقم 22 الموجوده في الصوره مع اساس سان لوران وبتلاحظين ان الفرق بين الوجنتين والمناطق السمراء زال تقريباً وصار اللون موحد ورائع
والنتيجه احلا من هالصوره لكن هذي الصوره اللي لقيتها تقرب الفكره نوعاً ما ولاحضي ان اساسها يغلب عليه الاصفر
نصيحه:
لذوات البشره السمراء انصحك تستخدمين بلاشر يميل للبرتقالي اللحمي الفاتح البارد وليس الفاقع
الوان الآي شادو استخدميها من كل درجه خذي منها اللي تميل للحمي
واضاءة تحت الحاجب بيكون البرونز الفاتح روعه جدا عليك ولو حايه انه يكون ابرز من البرونز تقدري تستخدمي الذهبي لكن اللي يميل للبرونز مو الفاقع يطلع عليك يجنن .
اذا تحسين ان هالمستحضرات غاليه ممكن تستغنين عن الخطوه الاولى لكن بدل ماتفتحين اربع درجات بتفتحين ثلاث وبتكون نتيجه حلوه ومعقوله .
اتمنى لكم التوفيق واتمنى ما اكون ثقيله عليكم