بنات مكه خصوصا والي يروحون الحرم دايم

فووق

انتي الله يهديك رايحه لمكه تعتمرين
وتتقربين من الله ولا رايحه تشوفين الاسواق والمطاعم
الله يهديك بس
اسفه بس نرفزتيني بجد

الله يكتبلك عمرة ميسرة مقبولة
بالنسبة للبيك مافي فروع قريبة من الحرم هناك 3 فروع كلها بالسيارة
واي لموزين يعرف المحل
واقرب فرع العزيزية
------------------------------
اما ابراج البيت فيها مطاعم بالهبل كثيرة مرة
برجر كنج - بيت الدونات وكثيرة ومخصص لها دورين وتفتح من الصباح
وفي شركة مكة جمب ابراج البيت فيها مطاعم حراء والطازج
-------------------------
وطبعا اذا حابين بوفيهات مفتوحة كمان في في الفنادق الخمسة نجوم
-------------------------------
واي سؤال عن مكة انا احاضرة
دعواااااااااااااتك لي

:27:
اللحمدلله انا مافسقت ولابذخت عشان تقولين كذا
وان شاءالله بعتمر وبنزل الحرم ....
لكن مايمنع اني اعرف مكان كويس اكل فيه معروفه المناطق الي حول الحرم زحمة والاكل ينخاف منه
انا بصراحه ماحب الاكل المكشوف والاماكن المفتوحه والزحمة
الحمدلله مادري شلون تفكير بعض الناس
لانرفزتيني ولاشي عاتي اختي :27:

حياك الله في مكة
وان شاء الله تستمتعي بجوها الروحاني في الحرم وخارج الحرم
ومافيها شي ياقلبي الاسواق والمطاعم حلال وزيارة مكة مو شرط اساسي يكون الهدف منها الحرم فقط يمكن لانكم خارجها تعتبروا زيارتها شي مقدس العبادة فقط
لكن اللي ساكن فيها عايش طبيعي عبادة وترفيه وكل شي الحمدلله
البيك له اكثر من فرع
في شارع الحج لو انت جاية من الرياض او الشرقية بالبر اول ماتدخلي مكة 100% تمري عليه لو جيتي عن طريق السيل
الفرع الثاني العزيزية الثالث الشوقية الرابع بين شارع منصور وشارع الستين في الوسط ماعرف اسم الشارع هذاك
وفي في العتيبية واظن في الشرائع
عموما لو سالتي اي واحد ماشي في مكة عن البيك يدلك :)
اما الاسواق صراحة مالي فيها كثير خاصة اللي قريبة من الحرم لاننا عادة مانروح لها زحمة ومعترين كثير نتركها لهم ياخدوا راحتهم عشان مانزحمهم
عادة اهل مكة اما في مول الضيافة - حي الزاهر او الحجاز - طريق جدة او على جدة بكبرها الاسواق هناك اكثر كل شبرين مول
والله يكتب لكم السلامة وتروحي وترجعي ديرتك بذنب مغفور وسعي مشكور
وحيااااكم الله في مكة