بسافر وبترك بنتي بعد القهر ..😔😔

السلام عليكم
بنتي في اول متوسط صايره ماتهتم بدروسها في الترم الاول جابت معدل مو نفس الا ابيه ابدا حتى بعض المواد جايبه فيهم مقبول مع ان معلماتها كويسات انا عصبت وتضايقت وعدتني ان رح تحسن مستواها على الترم الثاني وقلت طيب نشوف ،،نفس الاهمال من تجي تظل بالمريول لين قريب المغرب وهي يا تشاهد يا تضيع وقت على الفاضي واذا راحت تتسبح تطوول مرره غير ان تظل على الايباد تاخذ ايباد اخوها الصغير انا اتكلم وانصحها مرات بالطيب مرات اعصب ولا يفيد معاها حتى ايام الامتحانات النهائيه ماتهتم اقول لها ذاكري وانا براجع لك تقول خلاص مذاكره ماعندي شي وتضيع وقتها وانا بس اتكلم واتعب من كثر ماعصب عليها ..جابت النتيجه نفس الترم الاول انقهرت مرره فيها انا قايله لها اجتهدي وانجحي وكل شي تبينه بسويه من ضمنهم بنسافر .. الحين عاد خيبة املي حرمتها نهاائي تمسك ايباد وبسافر ان شاء الله ومن ضمن العقاب لها اني ماباخذها معانا .. شنو رايكم بالعقاب ؟ انا بعاقبها وبحرمها من كل شي لكني خايفه على نفسيتها ، انا هدفي ان تحس وتندم على تضييعها للفرصه الا كانت عندها،،عشان تحس لو انها تعبت واجتهدت فترة الدراسه بعدين بترتاح ..فشنو رايكم اسويها واسافر واتركها ؟يعني باخذهم كلهم الا هي .