اولا : شيلي عنها كل شي
ثانيا : لازم يكون لك كلمة عندها وهيبه اجل بكره اذا صارت مراهقة وش بتسوي بكلامك لها واوامرك !
ثالثا : الحرمان من السفر غلط والمفروض اصلا تحددين في بالك الامور اللي ممكن تعاقبين فيها عيالك واللي ما يتعاقبون فيها واولها السفر لازم السفر للجميع
رابعا : لازم تجتهد اكيد لكن مرحلة المتوسط يمكن اسوء مرحلة مرت على اغلب البنات مراهقة وتطنيش مواد وما نبغى نذاكر بس تمر المراهقة نرجع نهتم ونذاكر يعني مهي في مرحلة مصيرية
ومع ذلك حددي لها يوميا وقت للمذاكر ما تطلع اصلا من غرفتها الا اذا خلصت , حتى لو قالت خلصت رجعيها وقولي راجعي , الاجهزة حددي لها ايام المدارس وقت واذا خذت ايباد اخوها عاقبيها من بكره ما تمسك ايبادها
مثلا لها ساعتين في اليوم من 4-6 اذا خلصت واجباتها وبس تخلص واجباتها دخليها معاك للمطبخ تغسل الخضار وسولفي معها وامزحي وحاولي تعرفين من تمشي معه وشاطرات الفصل والكسلانات بدون ما تسبين احد معين وعلقي على الشاطرات واسالي عن اخلاقهم وحببيها في الدراسه معهم ترى صحبة الشاطرات تخلي البنت تذاكر وصحبة الكسلانات تنزل مستواها

لا م ينفع تسافرين وتتركينها وين تخلينها ؟ اصلا كيف ترتاحين وهي مو معك
عاقبيها وقت الدراسه لو م ذاكرت خوذي منها الايباد

لا ماينفع العقاب انك ما تسفرينها الحل خليها تتحمل معاك مسؤوليات البيت شيلي عنها كل الاجهزه الحديثه ايباد جوالات ..الخ وخليها تنظف تمسح تساعدك بالمطبخ بالمعقول وتنشغل معاك اخرجو سوا خليك قريبه منها واتكلمي معاها بأمور كثيرررره مو بس بالدراسه و العام الدراسي الجديد خلي الايبتد والملهيات هذه لها اوقات محدده مش متوفره لها 24 ساعه وفهميها انك انت تهتمي بمستواها الدراسي علشان مستقبلها مو كنوع من الضغط عليها

طيب هي مهملة بس وين دورك انتي ؟حلوة اقول لها ذاكري !طيب تسمعي لها ولا بس كلام !هي في عمر بنتي وايام االامتحانات الشهرية والنهائية انا وابوها نتناوب على المذاكرة والمراجعة البنت مراهقة وماتعرف مصلحة نفسها اجل تجلس بمريولها ليش ؟ ولا امتحانات نهائية وهي ع الايباد وتقول لك ذاكرت كيف ؟ المفروض تتعاقبوا ثنتينكم ! ومو حل تسافري وتتركيها تفكري راح يمشي الموضوع عندها بالساهل !

انتي كنتي متراخية معاها طول السنة وجيتي وقت النتيجة وتشدي عليها
مافي فايدة
انتي فين دورك كام لمن تشوفيها بمريولها من الضهر للمغرب يعني البنت جات وماصلت الضهر ولا العصر وجالسة على التلفزيون انتي فينك وقتها خاصميها اضربيها حتى الين تتعلم النظام قفلي التلفزيون وياويلها لو فتحتو فين كلمتك كام
اسمحيلي انتي الي يبغالك عقاب مو البنت