ابيك ترجعين مثل اول ولا بتشوفين وجه ثاني

السلام عليكم جميعا


انا لاحضت انكم ماشاء الله ماتقصرون مع بعض ابدا يعني اول ماتكتب وحده مشكلتها كلكم تساعدونها وتدعولها


وانا الحمد الله احب اساعد كل وحده اقراء موضوعها او مشكلتها ولو بالقليل

واما اللحين بطرح عليكم مشكلتي وابي منكم مساعدتي


انتهت المقدمه:42:........

انا يابنات تو ماصار على زواجنا سنه بس الحمل اهلكني بمعنى الكلمه:22:

وانا الحمد الله اجتماااااااااااااااعيه وخفيفه دم واحب المطامر والاستهبال والدجه والصرقعه والفله واحب التجديد وعلى كذا رومانسيه

وابي مننكم تذكرون الله وتقولون ماشاء الله تبارك الله وتدعون ان ربي مايحرمني من زوجي

والحمد الله زوجي راعي هبال ودجه وفله وسوالف والحمد الله طيب ورمنسي والامور تمام


لكن عودته قبل مايدخل مع الباب اكون في كامل الزينه والبيت نظيف والغداء جاهز وريحت العطر تتكلم بدالي

واستقبله عند الباب بابتسامه حلوة وامشي معه الى حد باب الغرفه واخذ منه الشماغ واعلقه وكذلك الثوب

وامشي ركض اجيب له العصير واقعد اسولف معه ثم احط الغداء اصناف مصنفه

ولا عمرة قد شافني زعلانه او متضايقه بالعكس اسولف اربع وعشرين ساعه وضحك ومقالب وهبال

لكن انا حملت بعد الزواج بفترة بسيطه جدا

وجت فترة الوحام وتوحمت على زوجي وعدت الفترة بسلام ولكن ماتخلوهاا المشاكل والشك والوسوسه مني

وزوجي مايقصر يغسل المواعين ويكنس البيت ويمسح السراميك وانا مثل المشرف بس

وزوجي كل هذا متحمله مني بالعكس اسبب مشكله وازعل وما انام الاوهو مراضيني

مرات بعطر ومرات بمفاجاءة ومرات بورده وهكذا <<قولو ما شاء الله

المهم انا الان بالشهر الثامن واعاني من ضغوطات نفسيه وصرت اعصب من زوجي بس احاول ما ابين وصرت اشك فيه و اوسوس

المهم صار يكلمني ما ارد عليه او ارد بدون نفس وصارت دخلته للبيت عادي جدا اكون نايمه او على الكمبيوتر او بالمطبخ

واذا جاء يطلع معاد اكلمه ابد واذا طلع من البيت قمت ازعل او اصيح من القهر <<ليش والله ما ادري

بس زوجي تعود على الاستقبال والدلع والضحك والدجه


المهم دخل زوجي وكان دوبه جاي من الدوام وانا سادحه بالصاله دخل يستهبل يبي يضحكني انا ناظرت فيه بنظرة نص عين ثم رجعت للتلفزيون اناظر فيه

سكت زوجي وقالي بروح النادي

طبعا انا ساكته

المهم دخل للغرفه يلبس وسالني وانا لسى باقي باالصاله

قالي وش البس الشراب الابيض او الاسود قلت بكيفك

قال طيب وش نتعشى قلت بكيفك ما ادري

بهاللحظه عصب زوجي علي وقعد يهاوش طبعا انا ما احب احد يرفع صوته علي وكانت اول مرة منه

صراحه تفاجئت لاني اشوف نفسي ماسويت شيء

المهم قعد يهاوش ويصارخ وحلف بالله اذا مارجعت مثل اول انه يوريني وجهه الثاني

انا هنا خفت

المشكله هو يهاوش ويبيني اناظر فيه وانا والله ما اقدر

بعدين صرخ علي وقال كذا الواحد يطلع مبسوط بدل ماتودعيني بضحكه

انا كنت بالزاويه ومعطيته ظهري وقاعده ابكي وهو مايدري

قام صرخ علي وقال لفي ناظريني كمان ماقدرت وجهي كله دموع

وماحسيت فيه الا وهو جاي مسرع لعندي

انا هنا ركضت للغرفه وانسدحت على السرير وقعدت ابكي وهو طالع فيني وقال احسن ابكي لين تشبعين

وطلع معصب


طبعا بتقولون وشوله كل هذا والسبب سخيف



المهم قعدت ابكي يمكن ساعتين وماجفت دموعي

ارسلي رساله يعتذر ويقول انه يبيني مثل اول استقبله بضحكه واودعه بضحكه واقعد اسولف معه واضحك

وانه مايبي البيت كذا هدوء يبي فيه فله

وانه مل من حركاتي وطول الوقت سادحه وما اعطيه وجه وهو يتكلم

بس والله يابنات غصب عني والسالفه هذي صاير لها شهر

ابيكم تنصحوووووووووووووووني والله زوج مثل زوجي غبيه اللي تضيعه لانه جدا صابر علي وعلى غثاء الحمل والنفسيه اللي امر فيها

انا يا بنات ما ابي تصير بيننا فجوه ونصير نتعامل برسميه لاننا والحمد الله حييييييييل فالينها مع بعض

والله اخاف انها عين لان الحمد الله حياة مثل حياتي مليون وحدة تتمناها

تكفون انصحووووووووووووني وادعولي ارجع مثل قبل لاني احس صايرة ثقيله دم :eek:



ابي طرق استقبال حلوة وخفيفه وابي اشياء اجد فيها حياتي وابيكم تنصحوني لان يمكن فيه اللي اعلم مني بخبرتهم


وادعولي انه يتم حملي واولد وارجع مثل قبل لانه مستحلفني اذا مارجعت مثل اول:angry2: