السلام عليكم و رحمة الله و بركاتة طبعا انا عضوة جديدة بس متابعة المنتدى من سنتين هذا راح يكون ثاني موضوع في قسم الجمال و ثالث موضوع في المنتدى المهيم امس كتبت موضوعي عن كيف بديت اهتم بشعري و تطويلة تقدرو تروحو قسم العناية في الشعر وتشوفو موضوعي واظن من غير تكبر نال استحسان المشرفات ههههههه :S_45:>>>> اظن راح انطرد بعد شوي:confused: >>> صرت متكبرة >>> اخلصي :unsure:
مثل م كنت كاتبة في موضوع انو بعد فرح اخوي صار الكل يقول عقبالك والدور عليك والخطابات وعوار القلب وعلى فكرة انا البنت الوحيدة 4 اولاد و انا اخر العنقود صارو يجو في البيت وصرت انا مثل السلعة بالنسبة لهم زي ما امس كتبت اذا كنت راح اكون سلعة لازم اصير سلعة غالية و بديت اهتم بأغلى شئ و هو شعري و الحمد الله النتيجة الشعر ذا من المرحوم عليه الى شعر نابض بالحياة :icon28: بس في المدة ذيك مو بس كنت اهتم بشعر لكن اهتميت بجسمي ووجهي
ملاحظة صعيرة قبل م اكتب عن اهتمامي بجسمي انا اصلا من امس كنت ناوية اكتب في قسم العناية بالبشرة ان احط اول موضوع كيف اهتميت بوجهي بس قبل شوي غيرت راي عشان شفت في قسم الاسرية بنوتة بتسال كيف الاهتمام بالجسم اظن
المهم انتي مو الوحيدة انا زيت بنت لسه م تزوجت ان شاء الله تستفيدي هذا مو معناه انو السيدات الحلوات م يدخلن :heart:احبكن والله >>> انتو ادخلن البيت بيتكم حياكم :55:
على اني انا البنت الوحيدة طلباتي اوامر >>> من غير تكبر او استقلال :biggthump
المهم فرفرت في النت وفتشت في عمي قوقول وعمي م خذلني ابد ولقيت ضالتي ومراح تصدقو قد اش الاشياء بسيطة بس تبغى صبر وع فكرة يمكن انتي ما راح تلاحظي الفرق بس الناس راح تلاحظ وهذا هو الاهم
بعد م قلت قصة حياتي وقرقرت كثير هههههه >>>>اخلصي :unsure:
يلا نبدا بسم الله
انا رحت المرواني للعطارة ولقيت فيه كل شئ هذة هي الاشياء الي اشتريتها
اول شئ الليفة المغربية ياعيني
رخيصة اظن ب7 ريال 2- الصابون المغربي اه ياقلبي
طبعا الصابون ذا معروف فضيحة و يطلع البلاوي كلها بس النتيجة بياض و نظافة و شوية دوخة ههههه3- صابونة الطاووس
سعرها اظن ب8 ريال هذة الصابونة معروفة انها تفتح او تبيض مع الاستمرار4-ملح الحليب يوكو وصابونة اه عذاب
سعر الملح ب7 و الصابونة ب ريال طبعا من اول استخدام راح تشوفي جسمك كانة جسم بيبي و انعم بعد الملح ذا كلمة رائع قليلة علية و الريحة جنان و مع الاستمرار تبييض (ينفع للركب و الابط و المنطقة الحساسة بس من برة )5- انا م اعرف انتو اش تسمونة بالنسبة ليا اسمة حجر الرجول المهم هذة هي الصورة
6- كريم (لوشن ) فازلين لتوحيد اللون
سعرة ب 24 ريال المهم بعد ما اشتريت هذة الاشياء بدأت عملية توحيد اللون و تنعيم الجسم
انا دائما لما اسمع حمام مغربي احسة شئ مرة معقد وانا دائما اجيب وحدة او في المشغل
بس لما سويت طريقتي حسيتها مرة سهلة
1- دخلي الاغراض هذة كلها معك في الحمام تكرمون خذي معك صحن في موية حارة و حطي فيه الليفة المغربية و اقفلي شبابيك الحمام و الباب و افتحي الموية الحارة و الباردة في درجة انتي تستحميليها و بللي جسم
ملاحظة : لا تغسبي شعرك بالشامو قبل الحمام المغربي عشان الشامبو يصير عازل و يمنع الصابون المغربي من نظافة الجسم
2- بعد ما تأكدتي انو جسمك صار مبلول خذي الصابون المغربي و حطي في جميع جسمك و خليه مدة 3او 5 دقائق
3- طبعا الصابون في جسم اش راح تسوي في 3 او 5 دقائق اكيد ما راح تجلسي في الحمام من غير شغل >>> عشان بسم الله الرحمن الرحيم :bkh:>>> هااااااااا لا تخافو:07: خذي الحجر حق الرجول و افركي ابو ابوه بس من غير ما تأذي نفسك
4- بعد وفركتي رجولك نرجع في للجسم ادخلي الدش و كون المويه حارة على كنت م تتحملي وغسلي جسم من الصابون و بعدين اخرجي من الدش و امسكي الليفة المغربية الي كانت في الموية الحارة >>> فاكرين الليفة حبيباتي المهم و روحي افركي الجسم ذا من غير ما تاذي نفسك و سوفي الفلاوي الي راح تطلع ( اذا جسم لونة غير موحد ركزي على الاماكن الي لونها اغمق من باقي جسمك )
5- بعد ما تخلصي من الفرك غسلي الليفة بومية دافئة و غسلي شعرة >>> فاكرين الملاحظة الي كتبتها قبل بخصوص غسل الشعر
6- خذي صابونة الطاووس و حطيها على الليفة لحد ما ترغي و حممي جسم عادي و ركزي على الاماكن الغامقة افريكة زين
ملاحظة : صابونة الطاووس بتخرج بلاوي مثل الصابون المغربي واقلك كيف عرفت بعد ما تخلصي من الفرك جيبي الصحن الي فيه موية دافية و غطسي الليفة راح تشوفي بلاوي جسمك كيف
7-بعد ما تخلصي هاتي ملح الحليب و نسيت لازم صح نظيف و ناشف و تحطي فيه الملح و تبعديه عن الموية المهم خذي الملح و جسمك مبلول وحطيه على جسمك وافركي بشكل دائري لمدة 3 دقائق و عادي تحطي تحت الابط و المنطقة الحساسة بس من برة >>> يعني لا تدخلية جوه و تجيبي العيد و كل الي في البيت يسمع صرختك عشان في النهاية هو ملح
8- اغسلي جسمك من الملح و فورا راح تحسي بالنعومة و النظافة
ملاحظة : حرية شخصية اذا تبغي تستخدمي الصابونة او مو لازم عشان بعد الفرك و التعب و الموية الحارة اكيد راح تحسي بالتعب و الدوخة
9- قبل ما تخرجي من الحمام سكري الموية الحارة و اشطبي جسم بالموية الباردة فقط للتوازن عشان انتي راح تطلعي من الحمام المكان مرة راح و لما تطلي راح تقابلي جو ثاني عشان كذا لازم تشتفي جسمك بالموية الباردة خوف من الزكام و البرد
10 - نشفي جسمك زين و ادهني جسمك بالكريم و انسدحي في السرير عشان الدوخة و كذا
و حمام العافية لي احلا بنات و ستات عالم حواء >>> شوفو البكش
ملاحظات :
1- الحمام المغربي يوم في الاسبوع
2- استخدمي صابونة الطاووس في كل الاستحمام و حتى لو من غير الحمام المغربي
3- الليفة المغربية مهمة حتى في الاستحمام العادي ( اي صابونة تبغي تشوفي نتائجها مالك الا الفرك باليفة المغربية
4- ملح الحليب يوكو في كل مرة تتحممين فيها تعتبر صنفرة و تبيض و تنعيم راح تشوفي الفرق بعد الاستمرار
5- اهم شئ الترطيب ابد لا تخلي جسمك من غير ترطيب
وسلامتكم
طبعا انا كتبت هذا الموضوع بعد ما لقيت انه نفع معايا ونفسي اكتب اليوم بعد عن كيف اعتنيت بوجهي و خليته ينور بس اظن ان القوانين لازم موضوع واحد في اليوم اذا انا غلطانة ياريت احد يرسلي وانا من عيوني راح اكتب الموضوع على فكرة هم موضوعين واحد العناية بوجهي و الثاني العناية و النظافة الشخصية
اعرف انو انا قرقرت كثير و صدعتكم و امس قلت في موضوع الفات بعد ما تخلصو من موضوع خذو بندول و في هذا الموضوع خذو بندول اكسترا حبتين
اتمنى اني ما كنت ثقيلة عليكم و تستفيدو من موضوع (بس ابغى دعوة صغيرة انو ما اكون سلعة لمدة طويلة )>>> اكيد فاهمين اش قصدي
اختكم في الله:26: