قمـ قـطر ــر
قمـ قـطر ــر
الموضوع رااااااااااااااااائع..

جزاج الله كل خير اختي كريستالة.. وان شالله نستفيد من بعض..

انا باذن الله مقبلة على مشروع خياط نسائي... ومن يوم عزمت والافكار.. تتراكض جدامي.. يعني تخطر على بالي افكار عجيبة.. وان شالله اطبقها ..

اولا انا دراستي ادارة أعمال... وان شالله دراستي تنفعني في مشروعي.. لاني بستلم الادارة فقط.. والمحل بيكون لخالي ...الله يوفقه الي بيحقق لي حلم حياتي.. ** ادعوا لي بالتوفيق يابنات جزاكم الله خير.. والله حاسة بالمسؤولية حتى قبل لا يصير اي شي..

المهم... نرجع يا بنات لموضوعنا :)

اولا لازم كل بنت منكم... تحط في بالها خطة عمل تحددها لنفسها... والي تبي تضمن النجاح... تتخصص في مجال واحد فقط.. خصوصا في البداية.. ولاتغركم ارباح غيركم.. يعني مب عشان موسم اعراس او اعياد تركضون عشان تفتحون كوافير وانتوا عندكم مشغل خياطة... لا ركزوا في الخياطة.. وان شالله بتضاعفون الربح ... بدل ما يتشتت جهدكم بين المكياج والكوافير والخياطة..وتطلعون من المولد بلا حمص.. ولا حتى فول :42:

في اول مشروعج لازم تحددين نشاطج.. و تركزين على فئة معينة يعني اطفال ... كبار ... بنات جامعه ... طالبات مدارس ...وغيرهم.. هذا بيساعدج انج تتميزين..

يعني مثلا.. لو عندج مشغل للخياطة... حطي في بالج مجال معين مثلا ملابس الولادة للام والبيبي...

ممكن تسوين أطقم كاملة... او بس قمصان نوم لاستقبال الضيوف.. او قمصان نوم للبيت وتكون مميزة ماتتعب الام في الرضاعه... وانصحج تروحين المحلات الكبيرة وتشوفين الجديد عندهم وتحاولين تسوين شي قريب منه..
يعني اختي لما ولدت..عملت قميص نوم لولادتها يجنن وموديله رااااقي... المرة الي خذته من عندها قالت انه تقليد لقميص نوم في محل وايد راقي عندنا ... وكان بنص السعر او يمكن اقل..

وانا شخصيا افضل ان الوحدة تحط خيارات جدام الزبونة.. يعني في زباين عندهم خير ومستعدين يدفعون اي مبلغ... لازم تلقى الشي اللي يعجبها عندج... مثل ما الزبونة المتوسطة الحال تحصل طلبها... والي على قد حالها... بس لازم تفرقين في النوعية يعني ماتحطين الاسعار عشوائي.. ولا القميص يكون واحد وباسعار مختلفة حسب شكل كل زبونة لا... هذا غش و خداع..واتقوا الله في هالنقطة بالذات..

بس تقدرين تستخدمين اقمشة غالية للي تقدر تدفع.. واقمشة رخيصة للي ماعندها..

طبعا بعد ما ينجح مشروعج.. وتكون الخياطة تمكنت من شغلتها.. تقدرين تتوسعين.. وتكبرين نشاطج.. بس اهم شي يا بنات التركيزززززززززز..

وفكري في كل مرحلة في وقتها... وتاخذج الاحلام بعيد.. لانها ممكن تخرب واقعج ومستقبلج


في نفس الوقت حطي لنفسج خطة عمل عامة... يعني بحلول الاربع سنوات بفتح فرع ثاني.. او بكبر نشاطي... وانتي حسب امكانياتج حطي اهداف قريبة ممكن تحقيقها..

وتقدرين بعد تاخذين ورقة وقلم.. وتقولين عقب عشرين سنة بتكون عندي امبراطورية ازياء... وماركة خاصة فيني <<<< يحق لج تشطحين قد ماتبين ... لانه حلم عام وبعيد ... واذا اتبعتي شروط النجاح ان شالله بتوصلين.. بس تحري الرزق الحلال.. عشان الله يوفقج..



الافكار كثيرة... والنت يحمل في صفحاته الكثيررررررررررررررررر... بس ما ابي اطول عليكم اكثر من جذي ....والي بيتصفح النت بيلقى اشيا كثيرة مب متوفرة عندنا.. لو قدر يوفرها بيربح الكثيرررر... واذا ساعد اهل بلده على العمل.. بيكون كسب اجر بعد...فكروا في البنات الي مب لاقين وظايف وماعندهم من يعيلهم.. حالووا انتوا تحلون مشكلة البطالة بدل الاعتماد على الحكومة...وفكوا ضائقة اخواتكم مهما كانت جنسيتهم... او اصلهم...

وان شالله بتابع الموضوع...


بس رجاء من الاخوات اللي عندها استفسار عن فتح المشغل واستقدام العاملات تقرا ردود الاخوات فوق... عشان نستفيد فعلا من الموضوع بدون تكرار...


الله يوفقكم جميـــــــــــــــــع ويرزقكم من أوسع ابوابه الرزق الحلال
المتأملة بالله
كل الشكر لصاحبة الموضوع وايضا الشكر موصول لجميع المشاركات في هذا الموضوع القيم

وايضا أشكر الاخت ( rose_mari ) على المعلومات القيمة


واتمنى من الاخت rose_mari والاخوات ايضا تعرفونا اكثر على افضل الماركات من صبغات والميش وكريمات والفرد والمثبتات الخاصة بالشعر وايضا افضل الماركات للمكياج ومثبتات المكياج
وايضا الكريمات المستخدمة للبشرة وافضل الاجهزة المستخدمة للصوالين بجميع انواعها
.... والخ من مستلزمات واحتياجات الصالونات

وبالنسبة لي قريبا ان شاء الله بفتح الصالون وماعندي خبرة كثيرة واتمنى منكم تساعدوني

واسفة ثقلت عليكم

واسال الله التوفيق لنا ولكم جميعا ان شاء الله
ام دحيجان777
ام دحيجان777
كل الشكر لصاحبة الموضوع وايضا الشكر موصول لجميع المشاركات في هذا الموضوع القيم وايضا أشكر الاخت ( rose_mari ) على المعلومات القيمة واتمنى من الاخت rose_mari والاخوات ايضا تعرفونا اكثر على افضل الماركات من صبغات والميش وكريمات والفرد والمثبتات الخاصة بالشعر وايضا افضل الماركات للمكياج ومثبتات المكياج وايضا الكريمات المستخدمة للبشرة وافضل الاجهزة المستخدمة للصوالين بجميع انواعها .... والخ من مستلزمات واحتياجات الصالونات وبالنسبة لي قريبا ان شاء الله بفتح الصالون وماعندي خبرة كثيرة واتمنى منكم تساعدوني واسفة ثقلت عليكم واسال الله التوفيق لنا ولكم جميعا ان شاء الله
كل الشكر لصاحبة الموضوع وايضا الشكر موصول لجميع المشاركات في هذا الموضوع القيم وايضا أشكر...
انا انشاء الله ناوية افتح مشغل بس ماعندي اي خلفية عنه وابيه يكون مشغل ناجح لاني مقترضة المبلغ الي راح افتح فية المشغل والله لادعيلها بظهر الغيب الي تساعدني بخبرتها في المشغل وكيف اديرة وايش الشركات الممتازة للمكياج والشعر والصبغ وافضل الارقام الصبغة اورقام خلط الصبغات الي طلع نتيجة حلوة تكفون لاطنشوني:(:(
الوداعيه3
الوداعيه3
نهاركم سعيد حبيبات قلبي
اسأل الله العظيم ان يوفق ويرزق كل من تحاول تساعد اللي ماعندهم خبرة وتفيدهم بما اعطاها الله من معلومات ويزيدها من نعمته ومعرفته...........
حبيباتي اذا مو ممنوع كتابة اسماء المحلات اللي تجهز الصوالين ومشاغل الخياطة؟....
اتمنى من كل وحدة جهزت مشغلها اوتعرف محلات تجهز المشاغل غير نزيه وعوارض (لاني اعتقد الكل يعرفهم) تقولنا عليها وتخبرنا في اي مدينه موجودة هذه المحلات علشان يستفيد الجميع ويقارنوا بالاسعار
:26:
**ام نواره**
**ام نواره**
قمر قطرمشكوره على النصايح والله يوفقش
بنات معضم الاسئله الي تسالونها موجوده في الصفحات السابقه ارجعو لها واقروها مو معقول كل شوي نكتب نفس الاجابه لنفس السؤال يالله خلو عنكم الكسل وارجعو لاول صفحه والي ما تسمع الكلام بحولها على المديره الكرستاله <<< تراني نا ئبتها