اخت لجين العاملات اذا ماحصلو احد واقف على روسهم يلعبون لعب لا يغرونك حتى لوكان شكلهم حبوبات وامينات المال السايب يعلم الناس السرقه
الي تبي مشغلها ينجح تقوم عليه وتشوف وش داخل وش نازل ولا تخلي الزبونه تطلع من عندها الا وهي راضيه لان العاملات ما يهتمون بها الشي
وانا بالنسبه لي افضل العماله الفلبينيه رغم ان فيهم عيوب بس يضلون افضل ميت مره من بعض العماله العربيه من واقع تجربتي
وكمان انصح اي وحده تتعلم شغل مشغلها عشان ما تتحكم فيك العامله زوديني او بسافر وكل المشاغل الي اعرفها وناجحه صاحبت المحل هي الي تشتغل فيها وعارفه شغلها زين
وسلامتكم
اخت لجين العاملات اذا ماحصلو احد واقف على روسهم يلعبون لعب لا يغرونك حتى لوكان شكلهم حبوبات...
واتمنى البنات يستفيدون من الموضوع كامل.. ونتناقش اكثر في عمليات التسويق وشلون ننفذها..ونبتكر طرق جديدة لمجتمعنا الخليجي..
لان الطرق الغربية المعروفة للتسويق ما تناسبنا... او خلنا نقول اغلبها ما يناسبنا... مثل وجود مندوبة تعرف الناس عن المنتجات... الاجانب عادي عندهم بيطقون باب كل بيت ويدرعمون ... بس احنا طبعا مستحيل..
وبعد كل وحدة تحس ان السوق فيه نقص معين ياليت تذكره..
مثلا ما عدنا نلاقي ملابس محتشمة تناسب مجتمعنا ..كل الموجود لبس غربي جاهز...وموديلات بايخة... مب على ذوقنا.. فممكن صاحبات المشاغل يوفرون هالنوعية من الملابس.. او يجهزون موديلات تتفصل حسب الطلب.. بس تكون جاهزة... وبعيدة عن التقليد.. يعني مب ياخذون من المسلسلات ويقلدونهم و يعرضونهم... لانبي شي جديد..
او حتى توفر المقاسات اللي ماتكون متوفرة عادة في الاسواق... اعرف وحدة عندها مشغل في البيت ... اسعارها نااااااااااااار لكنها ناجحة لانها توفر الموديلات بكل السايزات... وخامتهم تكون حلوة وكشخة..
وحتى المكياج... احيانا المعازيم في الاعراس مايعرفون يحطون مكياج لكن لان الاسعار مبالغ فيها.. فما يتميكجون في الصالونات.. ممكن البنات يوفرون مكياج اسمه مكياج العزايم.. ويكون ارخص من الاعراس.. او مكياج عشا... او مكياج زيارة...
شرايكم بالافكار...؟؟؟؟؟؟؟؟؟؟؟؟!!!!!!!!!!!!!!!.... غريبة صح...
معليه كل غريب وجديد ممكن ينجح ويمكن لا...
يالله سمعونا أفكاركم وخلونا نستفيد فعلا من الموضوع...