تضحيه او موقف مشرف لك او له تعالي واحكيه

موضوعك حلووووووووووووووووووووووو

بالنسبه لي انا

يوم دخلتي نزززززززززفت كثير :32:
لدرجه زوجي كان راح يموت من الخوف وما يدري وش راح يسوي
خصوصا من الخرعه ما قدر يتكلم وفي نفس الوقت ما يبغى يعلم اهلي
خصوصا امي :( تدرون الام والخوف على بنتها مهم كان راح تغلط زوجي
والغلط كان مني بصراحه :42:

المهم قلتله ودني على المستشفى قالي بتتصلين على اهلك
قلته لا ماني قايله حق احد

فعلا الحمد لله رحنا وعدت على الخير وكانت خياطه
وتعبت بس ما بينت حق اهلي

وهو شايلها جميله
وقالي لو كني علمتي اهلك كانت صارت علوم

وبالنسبه له

كان في الشغل وانا كنت قاعده في البيت حاسه بضيق
وبكييييت مرررره من كثر الضيق وما ادري وش السبب

اتصلت عليه وكان بالليل في الدوام

قلتله تعالى ضروري انا مخنوقه ودي اطلع اشم هواء حاسه اني بموت

وشوي الا هو على الباب طلعنا قعد يسولف وينكت علشان اطلع من اللي انا فيه
واتعشينا بره

وفي الاخر سالني وهداني والحمد لله عدت على خير
بصراحه هالموقف ماراح انساه معه
لان ترك شغله وجاي يابعد عمري عليه ركض
قالي والله خفت عليك خصوصا انك كنتي منهاره

الله يحفظه ان شاء الله

موضوعك جدا حلو وذكرني بمواقف كثيرها عملها زوجي لي وعملتها له واكبر موقف والى الان مأثر علي رغم مرور فوق الاربع سنوات لما كنت حامل ببنتي الكبيره وتعرفون عاد الوحام وانا عاد مالقيت اتوحم الا عليه كرهته وكرهت كل شي يخصه وطلبت الطلاق منه واتصلت على اهله وخليتهم يجون وقلتلهم لازم ولدكم يطلقني رد علي زوجي الحبيب وماراح انسا ذاك الموقف ولا شكله وهو يقولها لي قالي لو تضربيني بالجزمه في وجهي ماراح اطلقك لاني احبك من يوم كنت صغير وماراح اتخلى عنك واذا تبغين اجلسي عند اهلك قد ماتبغين حتى لو تجلسين العمر كله بس اني اتخلى عنك هذا شي مستحيل
والله العظيم الان احمد ربي واشكر فضله واشكر زوجي دايم انه ماطاوعني واتحمل وحامي ولا كان انحرمت من حب حياتي ولا غيره وشاف اللي شافه زوجي مني مايتحمل .وتصدقون وقت الولاده ماكنت مابغى في ذي الدنيا غيره حتى امي مااحتجتها قده
الله يخليه لي ويحفظه

هلا بك ملكة الاحزان ==شرفتي موضوعي والله قصتك ماشاء الله تدل على حكمتك وصبرك لو وحده ثانيه كان خافت وسوت علوم خاصة عروس ودلوعه وجديده على امور الزواج بس ماشاء الله عرفتي تتصرفي بدون فضايح الله يخليلك زوجك ويخليك له........


ام جوان ودانا== حياك الرحمن ومعاك حق بداية الحمل والوحام تصير علوم بس ماشاء الله على زوجك عرف يتعامل معك وقدر وضعك الله لايحرمكم من بعض يارب........

اختي ام الهنوف مشكوره على دعائك لي والله موضوعك هذا ذكرني بااشياء زوجي يسويها لي وهو مو ملزوم فيها بس علشان يخفف عني الغربه وبعدي عن الاهل
امكن اذكر من مواقفي اللي دايم يذكرني فيها زوجي اني بعت ذهبي لما كان محتاج وهو مايدري اني بعته وقلت له اني كنت مجمعه المبلغ من مصروفي وبعدين عرف لما شافني ماالبس ذهبي وقلت له لما زعل ايش فايده الذهب وانت مزنوق ودايم يقولي ماراح الاقي وحده تتحمل الغربه وظروف عملي مثلك
الله يخليه لي ويفرجه علينا ونبني بيت العمر واحنا بصحه وعافيه

الموقف الي سويته انه بعت ذهبي عشان اساعده هذا كان بداية زواجي مالي الا شهر
الموقف الي سواه اني لمن تعبت باع الارض الي حط فلوسه فيهاا وعالجني خارج المملكه عند احسن الاطباء وكنت لمن افوق القاه جنبي ودموعه على عينه الله لايعيد ذيك الايام تخيلوا دحين لاذهب ولا ارض بس الحمد لله