الله يحفظها لك ويحميها من كل مكروه ‏,,,
حبيبتي اعرضيها على دكتور ثاني ‏,,واقري عن فرط الحركه
وعلاجه،،‏ ‏
واحمدي الله ان بنتك ذكيه وتتجاوب معاك ولا تو
سوسي
لان اغلب الاطفال نشيطين وحركين بزياده واذا هذا الشي
ماياثر على استيعابها وفهمها فهو شي طبيعي ‏


وبالنسبه لقولك مصيبه انا من راي الاخت سمو الذوق

ياربي ياحبيبتي مرض فرط الحركه عادي
ويروح تماما بسن العشر سنوات
وكثير فيهم ويروح والهدف من العلاج هو انها تهدي شوي خلال هالسنوات
وراح يروح عالجتيه او تركتيه
زي ماقلت بعمر عشر سنين

ياحبيبتي طبيعي إذا وديتيها دكتور مابيقولون سليمه خااااصة المستوصفات الخاصه شوفي بنتك أنتي أدرى بها إذا تحسينه لدرجة المرض لاتهمليها وإذا شقاوه زايده خليها وبتعقل
والله يهديها يااارب..

استشيري طبيب تاني
وابعدي عنها الحلويات والشيبسات والاشياء اللي فيها طاقة
وسكرياااات
لن هالاشياء تزيد الحركة عند الاطفال
واتبعي معها اسلوب الثواب والعقاب وبتتحسن ****لله

لي تجربة سابقة مع بكري كان كثير الحركة ما شاء الله وناس شككوني ان عنده توحد لأنه بالإضافة للحركة كان عدواني وعنده تأخر في النطق لكن في نفس الوقت كان ذكي ونبيه ما شاء الله ..المهم قبل ما يكمل 3 سنوات أصريت اني أوديه طبيبة نفسية للأطفال ووديته وكانت تتابع تصرفاته وحركاته طول ماهو في العيادة بعدين طلبت مني اسوي تحليل علشان نشوف هل عنده فرط حركة ولا حركته عادية غير مرضية ولمن جيت اسوي التحليل وهم يسحبون عينة الدم كان يقطع القلب من البكا والصريخ وسألتني أخصائية المختبر عنده إيه ...؟ وقلت لها..قالت لي ما كل العيال كذا ..وحسيت كنها تقول لي تعذبين الولد بالإبر علشان سبب موجود في كل الأطفال ..المهم وديت النتيجة للدكتورة وقالت لي ولدك سليم وكان حل المشكلة اني أدخله روضه يفرغ طاقته ويتعلم الكلام من احتكاكه بالأطفال وفعلا دخلته بعمر 3 سنوات وما شاء الله فترة بسيطة وصار يتكلم ولمن تكلم خفت عدوانيته بنسبة 90% لأنه نطقه كان مؤثر عليه...لكن نجي للشي اللي يهمك وهي الحركة ...كانت مستمرة لكن معلمته كانت تثني كثير على ذكاؤه وتفوقه ما شاء الله وخلص مرحلة رياض الأطفال والآن سادس ابتدائي وهو ما شاء الله من المتفوقين ومن حفظة كتاب الله لكن ما زال حركي ما شاء الله لدرجة وانا اسمع له قرآن شوي يجلس على السرير وشوي ينزل على الأرض وشوي يمد رجوله يعني ما يثبت على وضعية وحدة وبعدين اكتشفت انه عمته كانت مثله بالضبط كل ماتشوف منه تصرف أو موقف أو أذكر لها شي تقول لي كنت مثله فغلب على ظني ان الحركة اللي عنده طبيعية وليست مرضية ولله الحمد وتعبر وراثية في نفس الوقت ..


الخــــــــــلاصة:

إذا الحركة ما تؤثر على انتباه الطفل واستيعابه وفهمه وتواصله مع المعلم فهي حركة طبيعية جدا مهما زادت وتعتبر طبيعة شخصية هذا الطفل ..وما نعتبرها مرضية تحتاج علاج إلا إذا أثرت على تواصله مع معلميه وعلى استيعابه.

آسفة على التطويل لكن هذا رغبة مني في إفادة الجميع