تعقيب2 : يبا يرجعها بعد 10 سنين

الي تذكر سالفتي مع زوجي الي قالي انه بيرجع طليقته ويوم وافقت رجعها وانا تشاجرت معاه وزعلت .. المهم صارلي يومين ما انام زين ولا اكل كله افكر الشيطان الله ياخذه يخلي الانسان في حاله حزن ويتعبه ويعطيه افكار قذره وانا صراحه تعبت وايد وحسيت نفسي ما اقدر اكمل بهالطريقه فقلت بروح لاهلي لعلي يوم اشوفهم انسى وارتاح تعرفون الانسان يوم يشوف حبايبه ينسى همه وحزنه فرحت لزوجي بعد صلاه الفجر وقلتله يقوم من النوم ويوديني لاهلي لاني تعبت لا انام ولا اكل جسمي هلكان ... فقال لي انا احبج وما اصبر عنج ومن هالكلام انا قلتله لا تلمسني انا ما شفت فحوصاتها هل سليمه والا وهو يضحك .. بعدين قعدت احن عليه ابغيه يراويني عقد الزواج .. قال لي لا ما براويج .. عقب كلام وايد صار يضحك وقالي انتي اصلا انتي مينونه وبسرعه تنخدعين من كل عقلج صدقتي اني رجعت ال❌❌ه وهي ممنوع تدخل الدوله كيف بتزوجها .. وضحك وقال بس انا متزوج 2 غيرها عربيات .. بعدين قلت انا ما اصدق الا باوراق.. بعدين قال انا والله على ذمتي 3 مواطنات وقالي الحين براويج الدليل من دفتر العايله او الجنسيه وانا بكيت ورميت عليه الكلنكس وياب الدفتر وراواني اسماء بناته وقال هاييلا اللي على ذمتي وقالي انتي اصلا مب صاحيه ومينونه الدفتر طول الوقت عندج وما شفتي هل انا متزوج والا لا .. يقول انا سويتلج اختبار اشوفج وقت الشده تصبرين علي والا تطلبين الطلاق وللاسف فشلتي بالبدايه نجحتي وكنت مجهزلج هديه سفره وفلوس لانج كبرتي بعيني اما الحين للاسف انصدمت انج مب كفو زوجه .. انا قلتله لو ما كنت احبك ما كنت غرت عليك ولا تعبت وتضايقت .. بس هو يقول مقهور ليش قلتله بروح بطلب خلع من المحكمه .. وقالي واقسم بالله اني ما تزوجت عليج بس انا افكر اسويها اذا ما تعدلتي وصرتي حرمه عاقله وتسمعين الكلام .. لاني انا قبل طلبت منه يبنيلنا بيت طلعلنا في نظام زايد للاسكان لاني ما عندي بيت عايشه عند اهله وصارت مشاده كلاميه بيني وبينه لانه ما يبا يبني فقال من هاك الوقت عرفت انج انانيه .. والحين تاكدت .. المهم انا تضايقت لاني لعب فيني وعيشني جو بايخ مع انه ياي اجازه اسبوع فقط من شغله المفروض يعيشني جو حلو .. وقلت له انا مب لعبه عندك او فار تجارب انته ما بتحس فيني الا اذا تطلقت وتزوجت غيرك .. قالي روحي تطلقي وعيالج بشلهم ... وقالي كلام جارح وايد وسم للاسف زوجي ناكر عشير دايما يقولي انتي شو سويتي شيء ناق زين لي ولعيالي وانا والله مب مقصره معاه احاول ااكله قبل لا اكل وارتبله ملابسه واكشخ له كل يوم واتعطر وعياله انا كل شيء اسويه لهم اسبحهم والبسهم واسويلهم اكل .. بس للاسف لسان زوجي وصخ انا قلتله والله لو كنت انسانه مب زينه وقلت لي كلام طيب وحلو والله لاصير زينه بس علشان كلامك بس انته من تزوجتني وانته كل يوم والثاني تحطيم وتكسير لقلبي انا انسانه وحرمه والحرمه حساسه .. المهم انا تعبت من ومن كلام ونكره للعشير وللجميل انا قلتله اذا تشوفني لهذي الدرجه مب زينه ليش متمسك فيني خلنا نتطلق والله انا ما اقدر اعيش مع انسان يشتمني كل يوم وينقص فيني صحتي فوق كل شيء .. اسمحولي طولت عليكم بس انا افكر اتطلق لاني تعبت نفسيا مع هالشخص وعيالي الله يحفظهم سواء معاه والا معاي .. والسموحه