المحلب

اسم المحلب بالإنجليزي هو نفسه بالعربي وهو:
mahlaleb
وما ذكرت ليش تبين تستخدمينه عشان أعرف شو أجاوب ، بس في استخدامات يكون المطحون فيها أفضل من الزيت ويمكن العكس...

جزاك الله خير نور القلوب
انا اريد اجمعه مع بعض الزيوت واحطه على شعري لان الله لا يورك كيف شعري صار من التساقط وفيه خلطات الاخوات في المنتدى قالوا انها تكثف
وانا في امريكا وحابه اشتريهم
وياليت بعد تقولي لي ايش اسم الحلبه
والصبار بالانجليزي ولا عليك امر
بس تعالى انت متاكده انه اسم المحلب بالانجليزي:13:
ومشكوره:27:

والله اني أكون في قمة السعادة يوم أسوي خدمة (ولو كانت بسيطة) لأي انسان في الدنيا
ولو طلبتي عيوني ماراح أقصر ....... بس جربي وشوفي ( ها بس لاتطلبيها صدق:32: ) .... لالا أمزح :26:

واسم الحلبة بالانجليزي: fenugreek وتقرأ (فينيو قريك)

واسم الصبار : prickly pear, nopal, opuntia
مثل ماتشوفين حصلت وايد مسميات للصبار واعتقد أنه أفضلها اللي في الأخر
وحبيبتي أنا متأكدة من أنه اسم المحلب نفسه ولا تستغربي وايد أسماء عندهم مصدرها عربي وبعد وايد أسماء عندنا مصدرها انجليزي

وبعد أفضل انك تستخدمين زيت المحلب لأنه سهل يتوزع داخل الشعر.....

وأي سؤال وأنا جاهزة ............

بااااااااااااااي

هلا اختي انا الي سمعته من جدتي ان المحلب يبيض الشعر والله العالم

تسلمين يا نور القلوب
اسم على مسمى
وتسلم عيونك يالغاليه وصراحه ما راح اقول لا لو قلتي لي خذيها :21:
الله يوفقك دنيا واخره قولي امين:32: