صورت اليوم غدانا
وكان عباره عن ريش الغنم مطبوخه في الفرن
المقادير
ريش غنم أنا سويت كيلو ونص
كاتشب
صوص الصويا abc
ملح
فلفل أسود
عصير ليمون
طبعا المقادير بعيني أقدرها
أخلط المقادير كلها مع بعض و أخليها تتبل
ممكن يوم وممكن كم ساعه بس
أنا مره سويتها قبلها بيوم ومره قبلها بساعه وطلعت تجنن في الأتنين
بعد ماتتبل أحطها في صينيه وفي الفرن
على درجه الحراره اللي تخبزي فيها الكيكات 180
الصينيه تغطيها شيكي عليها كل نص ساعه
ألين اللحمه تستوي تمام
أنا جلست معاي ساعه غير التحمير
بعد ما تستوي شيلي القصدير وأتركيها ربع ساعه كمان
خلال الربع ساعه ولعي فحمه
لما تصير جمره خرجي الصينيه من الفرن
وتكوني مجهزه قصدير على شكل زبديه صغيره
حطيها في صينيه الريش وحطي فيها شويه زيت
وعلى طول حطي فيها الجمره وأكتميها
وبعد ربع ساعه تكون أتبخرت
وكده يكون شكلها بعد التبخير
تقدم في صحن مفروش بصل شرائح مرشوشه بسماق توضع عليه
وأتمنى يعجبكم