الفنانة في الكيك تعلمني تعبت من تجاربي الفاشلة

يا عزيزتي المنتدى مليان كيك

بس بعلمك بكيكتي وان شاء الله تضبط معاج وتعجبك

4 بيض + اشوي خل ابيض عشان الريحه + رشة فانيليا

1 ونص ك سكر بودر
1 ونص ك دقيق
ثلث ك زيت
ثلث ك عصير برتقال
بشر برتقاله
2 م وسط بيكن باودر

الطريقه :

اخفقي البيض مع الخل والفانيليا حتى يبيض لونه ويتضاعف

بعدها حطي السكر عليه واخفقي

وبعدها حطي الزيت والعصير والبشر واخفقي

وبعدها حطي الطحين وخلي السرعه بطيئه مع البيكن باودر

ادهني قالب الكيك وحطي الخليك ودخليها الفرن 160 درجه لمدة ساعه الا ربع

وهذى صورتها

:42:



بعدها خليها تبرد اشوي واقلبيها على سلك حتى تبرد تماما وبعدها قطعيها

ممكن ترضي عليها سكر بودر او تعملي التوفي عليها

وسلامتك

:26:

تسلمين يالغالية واللة لايحرمنا منك وان شاء اللة بجربها0000000000

أهم شي بالكيك إنج تلتزمين بالمقادير بالضبط وبطريقة العمل والفرن شغليه قبله بشوي وما يكون حالر وايد جربي الكيكات اللي في المنتدى ولا تختارين كيكة صعبة في البداية والطحين رقم واحد
من كم يوم جربت كيكة وايد حلوة بالروب إن شاء الله لما أرجع البيت أكتبها والله يوفقج
هيه ونسيت أقولج أغلب الكيكات تاخذ من 30 إلى 40 دقيقة ولا تفتحين الفرن كل شوي طولت عليح فاسمحيلي بس حبيت أساعد

شكرا ياالامنيات الثلاث اللة يديك العافية وانا بانتظاروصفاتك يالغالية000

عزيزتي والله هذي الكيكة من ألذ ما أخذته من المنتدى
وأمس سويتها والكل يفكرها جاهزة رغم إنها شغل بيتي

وهي للغالية أنفاس الإيمان
--------------------------------

المقادير :

4 بيضات
ثلاثه أرباع كأس زيت
1 علبه زبادي
1 كأس ونص سكر مطحون ومنخول
ذره فانيلا
2 كأس دقيق منخول
2 ملعقه صغيره بيكنج بودر
سمسم <<< حسب الرغبه ( ما حطيته )

الطريقة :

في وعاء خلاط الكيك الكهربائي نضع البيض + الفانيليا + السكر ونخفق ثم نضيف عليه علبه الزبادي ونخفق ثم الزيت ونخفق
ثم بالتدريج نصبه فوق الدقيق المخلوط معه البيكنج بودر واخفقي بالخفاق اليدوي على أقلللللللل سرعة ( انتبهي لازم أقل سرعة )
نصب الخليط في صينيه مدهونه بقليل من الزيت رشي وجه الصينيه بالسمسم ( أنا ما رشيت )
ثم ندخلها الفرن مسخن مسبقاً ( قبل ما تدخلين الكيكة بعشر دقايق )
في درجه حراره متوسطة ( 160 ) وتكون بالرف او الصاج في الوسط

تجلس نصف ساعه ( وأنا عندي جلست 40 دقيقة )
قبل ها المده لاتفتحين عليها الفرن ابدا وهذا أهمممممم شي والا بتخرب عليك وما تنفش
بعد هالمده تاكدي من انها نضجت اغرسي عود سنان او سكين اذا طلع نظيف
حمريها من فوق ثم طلعيها وخليها تبرد

والكيكه هذي كل ما جلست في الثلاجه اكثر كل ما كانت احلى

وفعلااااااااااااااااااااا خليتها بالثلاجة 3 ساعات وبعدين أكلناها

ويا الله ما أحلاها :)
--------------------------------