يارب تفرج هم اللي تدخل

السلام عليكم ورحمة الله وبركاته


يابنات كتبت هالموضوع ابي افضفض لكم وعسى ربي يجزي كل من دخلت حظ الدنيا ونعيم الاخره ..
سهرااانه وقلقانه قاعده أفكر بحالة أهلي انا متزوجه ..وعندي أخو فالعشرينات مريض نفسي يارب تشفيه وتشفي مرضى المسلمين ..ومريض النفسي صعب التعامل معه وحاليا يستخدم علاج نفسي ..الموضوع اللي متعبني اختي مطلقه وعندها اطفال وهي اللي قايمه على خدمة امي وأبوي الله يطول بعمارهم وباره فيهم الله يجزاها خير ..اخوي هذا حاط دوبه دوبها هي واطفالها اذا عصب وتعب نفسياا يضرب اطفالها ويهاوشهم ليه تتعمدون ازعاجي ابي انام وأرتاح وليه وليه ..حتى اختي معذبها مسكينه أمسكيهم عني ولايتكلمون لأنه هو أحيانا يتخيل انهم متكلمين ومسوين ازعاج بالبيت وهو نايم أحيانا يحذف أي شي قدامه ..ترمس قهوه أو كأس أي شي قدامه ..والاطفال تعقدوا منه إذا شافوه معصب يبكووون ويصيحوووون خايفين منه بقوه صابتهم عقده نفسيه ..وأمي متعبها مره وعندها ارتفاع فالضغط وربي احاتيها ودايما أقوله وانصحه باسلوب لين ولطيف انه يحترم امي وأبو واختي بس ابداااااااا مافي فايده اذا تكلمت معه قلب الدنيا علي وسوا مشكله كبيره وصار يسالني مية مره ليه أحد مشتكي لك مني لين اكررره اللحظة اللي نصحته فيها.. وديناه مشايخ بعضهم قالوا عين والبعض قالوا مرض نفسي ..وديناه دكتور نفساني وقال عنده انفصام وواحد ثاني قال ذهإن ..واللي يعلم الله ..لكن مافي أي نتيجه ..مع أنه يستخدم دواء نفسي للاوهام والتفكير ومنوم


وربي البارح اختي تبكي وتقول انا وين ارووح انا لولا الله ثم امي وابوي ماقعدت رحت لواحد من خوإني سكنت عنده..تكفووون يمكن أحد منكم مستجابه دعوته ادعوا له أن ربي يهديه ويشفيه ويصلح أحوال أهلي ..


يارب أسألك باسمك العظيم الذي إذا دعيت به أجبت ..وإذا سألت به أعطيت أن تفرج هم كل من ردت أو دعت بدعوه وتسعدها سعادة الدنيا والآخرة وتجعل كل من رفعت يدها داعيه تنزل عليها فرحه تسجد شكر لك يارب انك مجيب الدعوات