السلام عليكم
اليوم اقدم لكم الخطوات الي لازم تسويها قبل كل قناع او خلطة تستعمليها عشان تشوفين مفعولها
1- التظيف
لازم تنظفين وجهك بالمنظف الملائم لبشرتك قبل كل خلطة تحطيها على وجهك ولاتغسلين
وجهك بالصابون العادي ابدا وتستعملين منظف خاص لوجهك صباحا ومساء وهذه أسماء
بعض الغسولات الممتازة للبشرة :
نيتروجنا تنظيف عميق >> أنا استعمله بـ30ريال من بنده
نيتروجينا بالجريب فروت للي عندهم حب بـ37 من كارفور
كلين اند كلير كريم منظف بـ 30 او اقل من صيدلية النهدي
اولاي بـ 30 تقريبا موجود في كل الصيدليات والهايبر ماركت
2- التقشير
مرة او مرتين بالاسبوع لانك بالتقشير راح تتخلصين من الجلد الميت الي مايسمح للبشرتك
الاستفادة من الخلطة والتقشير يعطي نعومة للجلد وافضل المقشرات الي استعملتها :
نيفيا روعة ناسيه سعره موجود في الصيدليات
Bioبالمشمش ريحته حلاوة ولطيف عالجلد بـ13 من نزيه
سانت ايفز كمان حلو بـ 37 تقريبا من صيدلية النهدي
3- التونيك
وظيفة التونيك اغلاق المسام لانه بع دالتنظيف او التقشير المسام تكون مفتوحة وكمان ينقي
وينظف البشرة وافضل تونيك هو ماء الورد
وبودي شوب بفتامين E
وبودي شوب بزيت شجرة الشاي لحب الشباب بـ30
واولاي روعة
4- ترطيب البشرة
الترطيب مهم جدا للبشرة وهذه الخطوة تسويهابعد الخلطة وأفضل المرطبات هي
كلينيك وكلارنس >> للي ميزانيتها تسمح
بودي شوب بفتامين E
مو بس للخلطة حتى الكريمات الي تستعملينها ماراح تلاحظين مفعولها الا اذا سويتي هالخطوات ولازم تعودين نفسك على هالخطوات
منظف
تونيك
مرطب
وتقشير مرة في الاسبوع
وللناس الي تحب الاشياء الطبيعية تقدر تسوي هالخطوات بمواد موجودة في المطبخ
تنظيف : مدي الزبادي على وجهك وخليه ربع ساعة وبعدين اغسليه
مقشر : زيت الزيتون مع السكر او زيت جوزالهند مع السكر البني .
تونيك : ماء الورد او عصير الخيار .
في النهاية لازم تعرفين نوع بشرتك قبلماتستعملين أي منتج وتدورين الي يناسبها كل هذه المنتجات
الي ذكرتها هي ناسبتني وما ضرتني وبشرتي نوعها دهنية مختلطة ومو شرط الي ناسبني حيناسبك
اتمنى اكون قدمت شيء يفيدكم
شكرا على مروركم
ظل الازهار @thl_alazhar
عضوة جديدة
يلزم عليك تسجيل الدخول أولًا لكتابة تعليق.
ترآتيل آلغلا
•
يعطيك الف عافيه. ...
mrs.me
•
* ظل الأزهار *
روحي ياشيخة الله يظلك بظله يوم لاظل الا ظله ***
جاوبتني باختصار وسهولة عن أسئلة محيرتني لها سنين **
كل البث ألي كنت أسويه زمان عن خطوات العناية بالبشرة ماحصلت أسهل وأرقى وأجمل من هذا الشرح
الله يوفقك ****
روحي ياشيخة الله يظلك بظله يوم لاظل الا ظله ***
جاوبتني باختصار وسهولة عن أسئلة محيرتني لها سنين **
كل البث ألي كنت أسويه زمان عن خطوات العناية بالبشرة ماحصلت أسهل وأرقى وأجمل من هذا الشرح
الله يوفقك ****
الله يجعل يدينك العافية .. كفيتي ووفيتي بأسلوب سلس وشرح واضح
تسلمييييييييييييييييييييييييييييييييييييييين .
تسلمييييييييييييييييييييييييييييييييييييييين .
الصفحة الأخيرة