كلامي مع زوجي عن قريبتنا المطلقه

اليوم كنت جالسه مع زوجي نتقوى ونسولف 
ومع السوالف تطرقتا للمشاكل الزوجيه 
وجبت سيره وحده من قرايبنا مطلقه 
فقال زوجي انه حسب ما سمعنا فهي معها حق تطلب الانفصال 
جاء في بالي وسواس أن زوجي يدافع عنها 
وانه اكيد يبغى يتزوجها 
والله يا بنات ما اعرف ايش الي جاني 
طبعا كل موضوع طلاق ينقسم فيه الناس نصين نص يوقف بصف المطلقة ونص يكون ضدها ويطلع عليها كلام 
أنا سمعت بكلام كثير عن هالانسانه لكن ما صدقت 
وعارفه انه كذب وتلفيق وتشويه لسمعتها بس 
لكن مدري وش جاني هذيك ألاحظه 
صرت أقوله انت ما تدري عن شئ 
هي فيها وفيها 
وكلاااام كبير والله ي بنات 
زوجي أنصدم قال معقوله اجل تستاهل ماجاها وربي فك زوجها منها بس خلاص خلينا من سيرتها وغيرنا السالفة 
وعدى أليوم كله لكن لما جيت أنام ما قدرت صورتها قدام عيوني 
أنا عارفه انه والله كذب وافتراء كيف قمت أنا بعد أقوله وكأني متاكده من الي اقوله
عشان وسواس شيطان اغتبت إنسانه برئيه وسبيتها آه بس والله أني ندمانه ندمانه عدد شعر راسي صورتها ما تفارق عيوني خايفه الله يبتليني
أو اشوف هالشي ببناتي 
تعبت من التفكير وش أسوي كل شوي أمسك جوالي برسل لها واعلمها أني ظلمتها واطلبها تسامحني بس والله مدري وش بتكون ردها
دلوني يا بنات وش أسوي 
وش اكتب لها 
أتصدق عنها ولا وش أسوي 
وترى أنا قلت لزوجي ترى الكلام الي قلته لك كله لأني غرت عليك أنك واقف بصفها خفت تكون تبيها 
قال ماله داعي تفكرين كذا انتي تعريفيني
ولاعاد تجيبين سيرتها أبد الله يستر عليها وعلينا 
ظلمتها والله ظلمتها أنا