مسائكم ورد حبايب قلبي
لمحبي السموكي
ولعشاق اللون البنفسجي
.
.
اولا قبل الشرح كلمة حق تقال ان الالوان والرسمه على الطبيعه روعه بس انا اصور من جوال والكاميرا فيه مو حلوه ابدا.... وللتوضيح صورت لكم الرسمه تحت تأثير اضاءات مختلف علشان تكون الالوان واضحه اكثر
بسم الله ننطلق
.
.
بعد تجهيز الوجه بالكريمات اللي تعودنا عليها وصرنا مستعدين للعين نبدأ
اولا حطيت الشدو اللحمي المائي من كريولاين على كامل الجفن ( دايم ابدأ بوضع لون فاتح على كامل الجفن كبيس للشدو)
بعدها حطيت الابيض المخملي من كلاسيك تحت الحاجب
على عضمه الجفن الثابت والخط الفاصل بين الجفنين حطيت البنفسجي الفاتح المائي من كريولاين
وعلى الجفن المتحرك وزعت اللون البنفسجي الغامق المائي من كريولاين
( لا حظوا للحين مامزجت الالوان او وزعتها )
الحين نحط خط من البنفسجي الغامق تحت العين من البدايه للنهايه ونخليه عريض شوي
نجي للآيلاينر نرسم خط فوق العين ونكمله بخط تحت العين بعدها نرسم فوقه بالشدو الاسود ( انا استخدم فرشه الايلاينر وابلها شوي ماي مع الشدو اللون يصير اوضح والتوزيع اسهل )
ونمزج على الجفن المتحرك الاسود مع البنفسجي بس مانخليه عريض واجد
تحت العين نفس الطريقه ( مزج الشدو الاسود مع البنفسجي ) نفس الصوره ولاحظي طريقه المزج عند الطرف الخارجي للعين
الحين نجيب شدو عادي نمزج على الخط الفاصل بالشدو البنفسجي المخملي الغامق علشان نشيل الفواصل اللي بين اللونين
وتحت الحاجب نمزج بالشدو البنفسجي الفاتح من شارمل
نحط داخل العين كحل اسود
وهااات يامسكره ( انصحكم تستخدمون القصاعه والله تعطي منظر رهيب انا ما استغني عنها )
وهذي النتيجه
واللي تحس الشرح صعب تامر بس وانا بشرح لها بطريقه ثانيه ان قدر الله