خواتي كويتيات....صدمة ولادتي خلتني بذهول....جم يوم مروا علي وانا مو مصدقة اللي صار
ما اعرف انسق مواضيع...بس ***** الله تفهمون قصتي العجيبة..
في البداية...لو طليتوا على التوقيع بتلقون اني بالاسبوع 35 ...يعني جدامي وايد عن الولادة....لكن انا ولدت قبل عشرين يوم
يعني توني بالاسبوع 32..
طبعا قبل هالمولود ولدت طفل ميت...والحمد لله على كل حال
على حمالي هذا كملت سبع اشهر..وصارت المفاجأة...شفت (تكرمون) شوية افرازات قلت اروح المستشفى...طبعا...طقيت عباتي ورحت رازه ويهي...ولا ماخذه معاي شي، جان تكشف على الدكتورة..وتقولي وضعج طبييعي والبيبي زين...وماكو خطورة...بس شنو رايج خليج بالانتظار معانا....نراقب صحة البيبي...المهم...تميت معاهم من الصبح لحد العصر وكل شي طبيعي...وكل شوي تجيني الدكتورة للغرفة...تحسين بطلق؟؟...او عليج نزيف؟... طبعا لا كان فيني طلق ولا عندي نزيف...جان تكتب لي الدكتورة ابرة الرئة علشان فحال صار اي شي...
المهم مروا على الساعات طويلة...وزوجي يتطمن علي..وانا اطمنه...جان بعدين اقول له روح...ما فيني شي ولو صار شي راح ادق عليك...راح زوجي منيه...جان احس بشووووووووووية الم خفيف.. وانا طبعا مو بجر واعرف الم الولادة...وبدا هالالم يزيد شووووووووووية...جان تفحصني الدكتورة وتقول لي
احتمال يصير عندج ولادة مبكره...
جان اتخرع...
قالت لي الرحم قاتح 3 سنتي...بس البيبي مو في وضع ولادة...
يعني دكتورة متى اولد؟؟...
يبيلج من 12 ساعة ليوم...
طيب دكتورة ما جبت اغراض البيبي؟؟ ...
مو لازم حبيبتي...لو ولدتي راح نحطة بالشيشة لأنه صغير..
جان طيران على التلفون اخبر ريلي...وتخرع هو بعد...قال اجي الحين...قلت له لا .....بعدني...وجودك ماله داعي
اذا صار قريب دقيت عليك
المهم....اسكر التلفون مني...وجيني الم الولاده مني...كلها ربع ساعة بس الم ولاده...جان انادي النيرس...وجات...فحصتني...وقالت لي ولادة
طيب شلون بعدني ما احس بالم جايد...قالت لا خلاص ولادة...يعني شنو...يعني المهم...الله وكيلكم اهي تتكلم مني جان ازفر مره وحده...ونزل البيبي..ما اخذ اربع ثواني الا وهو برا....
صدقوني من الصدمة ما استوعبت...شلون؟؟؟ بالعاده اعاني...واشيل المستشفى فوق راسي من الصراخ...لكن هالمره غييييييييييير..
دقيت على زوجي...بعد مكالمته لي بربع ساعة...انا ولدت... جان يبطل حلجه...شلون؟؟؟ قلت له ما ادري..
ومن الصدمة يومين ما نمت...ولا حاسه اني والده...
المهم ولدت.الحمد لله...البيبي صحته زينه الحين...حطوه بالشيشه
والحين....انا بنهاية الثامن...بس ولدي بحضني...مو ببطني....امانه تدعوله بالعافيه والصلاح