شي يطول الشعر شبر ب 3 أشهر .......من غير خلطات و خرابيط ...

العناية بالشعر

مرحبا بنات حواء شلونكم عساكم بخير اِن شاء الله ..

حبيت اقول لكم عن منتج كلمه رووووووعه قليله في حقه و لو ما أني مجربتنه و أدري بفايدته ما كنت كتبت لكم عنه اليوم ..و أفيد به أخواتي بنات حواااء ..

ياما حطيت خلطات بشعري ما خليت حنا على حلبه ...و زيوت هيمتاج و 555 و الخروع و النارجييل و وخلطات الزيوت الجاهزه كلها ما منها فايده ...وكل ما احط شي يزيد شعري يطيح زياده و يتقصف هذا غير كلام السي سيد :arb: ...اللي ما خلا شي ما قاله عني واِني صايره مثل العيايز ..كل ما سمعتي شي سويتيه هذا غير الريييحه اللي ما يدانيها أبدا ..حتى لو بشو عطره ما تخوز أبدا الريحه ... و الحل الوحيد اللي ألاقيه قدامي هو المقص ..عشان أشيل به كل التقصف و الجفاف اللي بالشعر ..

المهم أنا قبل سنه بالضبط سويت رباندين لشعري وهو التمليس الفلبيني ..و راعيه الصالون عطتني شامبو الحصان مين ان تيل اسمه مع الكوندشينر ماله .. اتبعته فتره بس المشكله فريحته كان يقول لي ريلي لأشم ريحه بالون فشعرج ....:30: ...تخيلواااا:hahaha:

المهم رحت بعدها لصالون ثاني بشيراتون و نصحتني راعيه الصالون لبنانيه اِني لازم أهتم بشعري
خصووصا بعد التمليس هذا و اللي كان طالع جنااااان بشعري الصراحه ..((بس الله لا يراويكم التقصف اللي صار له بعدين))

و عطتني شامبو و تونيك من منتج ياباني ..اسمه KAMINOMOTO

التونيك اسمه HAIR GROW ACCELATOR ,وهو عباره عن مسرع لنمو الشعر يقضي على

البكثيريا و الحكه و القشره ...و يخلي الفروه نضيفه و هذا أهم شي لشعر طويل و صحي ...

و بنفس الوقت هو يحرك الدوره الدمويه بالشعر ويقوي جذور الشعر ويمنعه من التسااقط..

بعد ما نصحتني أخدته على طول من عندها و قلتها حطي لي منه ..و حطت بايدها شوي من التونيك و

قامت تحط على الفروه كلها مع عمل مساج خفيف بأطراف الأصاابع ...صدقوني اِنه على طول يتغلغل

بالداااخل وحسيت ببروده و انتعاش ..وما ينغسل وراه الشعر ..

يعني لما اتحطينه من الأحسن اتكون فروه الرأس نظيييييفه عشان يسوي شغل ...:09:

المهم اِني ارتحت عليه و استمريت عليه أحطه بعد السبوح وانا عاده 3 مرات بالأسبووع أغسل شعري..

بعد أول شهر حسيت بطول بشعري قلت يمكن لأنه على طول سيده ها اللي خلاني أحس بالفرق ..وبعد ما كملت 3 أشهر صار فرق واااااااضح حتى ريلي انتبه لها الشي ...و أهم شي عنده انه افتك من

الريحه :22: .. اللي صدق أذته وهذا غير المنظر الصحي للشعر وتخلصت من القشره الدهنيه اللي كانت مأذيتني بالحكه ...

المهم اِني وقفت المنتج من 6 أو 8 شهور تقريبا وما منه أي اآثار أو مضاعفات ..بس التمليس اللي سويته هو اللي هلك لي شعري وصاير يبين مثل الأسلاك صحيح اِنه صاير طوييييل ..بس كنت كل فتره
أقص شوي من شعري .. بس من شهرين قصيت منه واااااايد لأني شليت كل الشعر اللي كان مملس ..و الحين شعري كله طبيعي مع ان طبيعته نااعم بس فيه طعجات ويستوي كيرلي اِذا حبيت ..

المهم اِني بغيت شعري يطول من أول و يديد وهو طبيعي ..و حبيت أعرض عليكم تجربتي و اللي تبي تبدأ معاي حياها الله لأني اشتريته أمس و أبغي أبدا من ها الاسبووع واِن شاء الله شعري يوصل لآخر ظهري بعد 3 شهوور من الآن...


وما أبغي منكن اِلا دعواتكم بظهر الغيب اِن الله يستر و يسهل علي بأمري ويحفظ لي بناتي الثوائم ...


أختكم في الله ..
956
487K

يلزم عليك تسجيل الدخول أولًا لكتابة تعليق.

تسجيل دخول

lobnan
lobnan
الله يسترعليك و يسهل عليك امورك كلهاويحفظ لك بناتك التوائم ... ويسخر لك زوجك.....

..............ويحقق امانيك ويفرج عليك........


بس ياليت تحطي صورته وكم سعره وفين نحصله....
جنجووونة
جنجووونة
الله يسترعليك و يسهل عليك امورك كلهاويحفظ لك بناتك التوائم ... ويسخر لك زوجك

مشكوووره اختي

وين احصله ؟؟
قوافل النور
قوافل النور
ماشاء الله

الله يبارك لك في شعرك

وياليت لوتقدري تنزلي لنا صورته
habouba12
habouba12
مشكورات حبيباتي على الدعواات الحلوه ..

وهو ينباع بالصيدليه وغالبا موجود بكل الصيدليات ..وسعره فيه تونيك اللي يقوي الشعر و يمنع التساقط ب 120 درهم الغرشه ...و اللي يقوي نمو الشعر و ها اللي أنا استخدمته ب 129 درهم ..

و الصراحه ما يتم الشهر الا و أنا شاريه غرشه ثانيه و فيها النص بس..يعني الاِستخدام العادي يستهلك غرشه و نص بالشهر ..و اِذا تبغين نتيجه واظحه بشهر بس ممكن يستخدم يوميا مرتين باليوم ..و هادي التعليمات اللي مكتوبه بالغرشه ..

بس أنا استخدمته مثل ما خبرتكم 3 مرات بالأسبووع ..وسوى لي هالنتيجه ...وشلون لو بستخدم كل يوووووووم...:42: ..

ومشكلتي ما أعرف أنزل صور ..بحاول أدور صوره له بالنت ..وأحطها لكم ..
تائبه
تائبه
تسلمين يالغاليه
والله يوفقك ويسعدك إن شاء الله
ويستر عليك وعلى بنات المنتدى والمسلمات جميعاً