السلام عليكم ورحمة الله وبركاته...
أخواتي الحبيبات .....بعد انتظار 4سنوات علاج وتمريخ وخلطات وأدويه الحمد لله من الله علي وحملت وكانت فرحه كبيره لي ولزوجي وبنتي والعائله كلها كنت أفكر في كل شيء ماني مصدقه نفسي وكل يوم اتحسس بطني متى يكبر ويبين وأفكر في شكل البيبي وإسمه وسريره وملابسه ووووووووووووووووو....لكن للأسف لم تكمل الفرحه والحمد لله كثيراً فله ماأعطى وله ماأخذ...
ادعولي إن الله يعوضني خير جنيني مات وهو في الشهر الثاني وأنا من الأسبوع السادس وهم يقولولي مافيه نبض وحجمه صغير ننتظر مكان
أسبوعين ونعيد السونار وانتظرت 3أسابيع وسويت السونار وقالوا نفس الكلام وإن نموه متوقف عند الأسبوع الخامس ولازم نعملك عملية تنظيف لأن نخاف عليكي من التسمم لو طول أكثر من كذا وطلعت من المستشفى وأنا منهاره وأبكي وماني قادره أوقف وأحس إن الدنيا سودت في عيني ورحت البيت وقلت بانتظر أسبوع وأروح مستشفى ثاني يمكن يكون كلامهم غير لأني ماني مصدقه وقالت لي الدكتوره نفس الكلام ولازم تسوين التنظيف اليوم (يوم السبت)وفعلاُ دخلت المستشفى وجاتني دكتورتي والساعه خمسه الفجر حطولي تحميله قالوا عشان توسع عنق الرحم وتكون عملية التنظيف أسهل ومانشد الرحم (مع العلم إني ماجاني أي نزيف أو ألم
أو أي بوادر إسقاط) وبعد التحميله بدأ معاي الطلق ومغص وألم بالظهر ورعشه وبرد
وحسيت بالإنهاك الشديد ماني قادره أتكلم ويوم صارت الساعه8 صباحاً نزل مني كيس
أبيض شفاف وداخله مويه ويوم وريت الممرضه قالت هذا يشبه كيس الحمل بنوريه الدكتوره قبل العمليه ويوم تفحصته زين شفت الجنين يابنات داخله مثل حبة الرز
ياسبحان الله والحبل السري نحيييييييف مثل الشعره وفيه شوية دم والكيس نظيف مافيه عروق ولادم ولاشي وسويت التنظيف والحمد لله واتعافيت والله يرزقني إنشاللله بأحسن منه ويعوض علي بإذن الله.....
لمو العسل @lmo_alaasl
عضوة فعالة
يلزم عليك تسجيل الدخول أولًا لكتابة تعليق.
أسأل الله العظيم بمنه وكرمه أن يعوضكي خير
وأن يثيبك أجر صبرك على هذا البلاء
لله ماأعطى ولله ماأخذ
وأن يثيبك أجر صبرك على هذا البلاء
لله ماأعطى ولله ماأخذ
الصفحة الأخيرة
ويرزقك الذرية الصالحة يارب