رجاء من كل متزوجه اوحتي غير متزوجه تعطيني رائيها بمشكلتي..عاااااجل

السلام عليكم ورحمة الله وبركاته,,,
اخواتي المتزوجات انا حابة اخذ رايكم في موضوع مسبب لي مشاكل على مدى ثلاث سنوات
وهــــــــــــــــو...
من يوم بديت اشك في زوجي والآحظ رنات الجوال الي صارت دايم تجيه وانا مستلمة جواله تفتيش كل ماشفته قدامي والمهم يالله بدت المواجهات هذا رقم مين الرساله ذي لمين مين قاعد تكلم هذه المده الطويله بدايتها كان يجاريني ويجاوب ويدافع عن نفسه طبعا بالإ نكار وبعدها صار ينصحني جوالي لاعاد تمسكينة وانا مافي فايده كل ماشكيت في رقم اكلم صاحبة الرقم واخرب علية والمشكله كل ظنوني بمحلها والله العظيم يابنات بس نقعد شهر بالكثير ويرجع نفس الموال هو ماتعدل وانا مااستسلمت
ويالله الى يومكم هذا والبارح صاير بينا مشكلة طويله عريضه اني ارسلت لوحده رساله من جواله وهو نايم انك لاعاد تدقين يلي فيكي وفيكي على اساس انه هو الي مرسلها والمهم بنت الذين ماردت على طول وقعدت ساعه وبعدها حطيت الجوال عنده على اساس ان وصلتها الرساله وماراح تدق او ترسل المهم ويصحى من النووم الى وهي مرسله شكلها هزئته فيها الين قال بس وقام من النوم وشياطين الدنيا كلها براسه وسوالي مشكله وتكلم علي والي قاهرني ان اهم شي عنده ماامسك جواله وهو ماخذ راحته بالمكالمات وكل ماله يتمادا والله العظيم يابنات انا صارت حياتي جحيم والسبب هذا الجوال حسبي الله على الي اخترعة كنا مرتاحين من قبلة وخايفه يابنات يهدم بيتي ,,,
على فكره انا احب زوجي وماودي اتركه وعندي بنيه وهو كريم معي ماديا بس الي مخليني مو قادره اطنش حركاته انه مهملني عاطفيا من كل النواحي وسوالفه قليله واكثر سوالفه يجاكر ويرفع الظغط ؟؟
واذا جلست معه جلسة رايقه وقلتله ليش تكلم انكر انه مايكلم واني انا شكاكه ويقول اني احب افتش وراه ولو كل وحده سوت زي بتلاقي بلاوي على زوجها بس حريم الناس مايفتشون ورا ازواجهم ,,

تكفون عطوني رايكم كيف اتعامل مع هذا الموضوع الي منكد حياتي عادي اطنش واخلية ياخذ راحته طيب وغيرتي ومشاعري انا بشر ياناس تكفون دلووني واي وحده تدخل رجاء تعطيني رايها يهمني رأئ كل وحده وارجو من صاحبات التخصص والعقول الراجحه ان يهتمو بموضوعي لأنه معذبني ومعذب زوجي...