طريقتي في العناية بالمنطقة الحساسة (وشايفة انها الحل الأكيد والنهائي بالنسبة لي!!)

السلام عليكم ..
انا من المعارضات لشيل المنطقة الحساسة بالحلاوة واشجع الموس!
فضلا عن انه وصية نبوية!

وكل وحدة واللي يريحها!

بس حبيت اسأل .. ابي انواع امواس لها روس تتغير (لأنو ماينفع نستخدم نفس الراس مرة ثانية )

المشكلة اشتريت موس ماركة فينوس من جيليت نسائي شكله فخم ومعة راسين وبخاخ حلاقة ريحته ورد!

استخدمتها وتمام التمام مرتين وخلصت الروس لأني ارميها ماينفع استخدمها زي ماقلت!

جيت اشتري الروس بروحها من الصيدلية والله يابنات اربع حبات بس
ب33ريال!

ياسلاااااام يعني اقعد كل ربعة ايام (بالموس عناية يوميةاو يو م ويوم) واقط 33 ريال:icon810:!!!

((((اتدرب على الحياة الزوجية ))))) خخخخخ:D

بالنسبة لي وانا أطر من أهلي صعب!:unhappy:

(اختكم في الله عاطلة والمبلغ هذا صراحة اشحن فية جوالي واقعد به شهرين والثلاثة الريال الباقية اشتري فيهم عصير وبطاطس وايس كريم ...يكون يوم عيد عندي كل شهر:hahaha:)

فما أدري ابغى موس يكون له روس كثيييييرة تكفيني مدة لابأس بها !

لا تقولولي الموس يسمر المنطقة (لوحده!! معاكم حق) لكن مع كريم الحلاقة او النشا او زيت البيبي بصراحة نعومة ونظافة شي خيال
كريم الحلاقة حطيه واجلسي فية دقيقتين بس وشيلي بالموس ...سهولة ونعومة
بالنشا ...غطي المنطقة فيها وشيلي بالموس وبعد ماتخلصي نفظي وقومي وشوفي النعومة (حلاقة جافة يعني لاتغسلي المنطقة قبل ماتحطي نشا)
والزيت البيبي حطية ربع اونص ساعة وبعدين احلقي بنفس الطريقة ..

حاولي تختاري موس نسائي حلو يتناسب مع جسمك وانت تشيلي بهداوة ورقة ولا تضغطي وحطي عندك مراية عشان تشوفي الأماكن اللي ما وصلتيلها..
(وللمنطقة اللي وراء)اكيد فهمتوني شيلي بالمزيل وخليه شوي بس عشان مايحرق المنطقة!

لما تشيلي شعرك من اي مكان بجسمك راعي انو يكون بأول الشهر عشان يخف ويقل ظهوره وخصوصا اذا شلتي ادينك ورجلينك بالحلاوة
بس المنطقة صعب نتحكم في الوقت عشان الدورة !!!(هذا بالنسبة لي )لأنو فكروا معاية احنا لمانقص اطراف شعر راسنا عشان يكثر ويطول بآخر الشهر ..فمن الأولى نشيل شعر جسمنا في الأيام الأولى من الشهر عشان يخف!!(جربوها بنفسكم وشوفوا)
وفيه طرق كثيرة لإزالة الشعر نهائيا بعد استخدام الحلاوة من مناطق الجسم ..بعد ما تشيلي اخلطي مرارة ماعز طازجة ونشاء وحطيها بعد النزع (فية وحدة استخدمت مرارة دجاج!!) من المرة اللأولى ..

ونبات السعد بعد مرات من استخدامة يمكن بعد ثلاث شيلات ..

انا ماجربت بس بجرب اذا توفرت عندي هالأشياء بس سمعت البنات يمدحونها..

اذا كانت المنطقة عندك سوداء ادهنيها كل ليلة بزيت جلسرين وزيت خروع الجسم وزيت اللوز المر وضعف الكمية عصير ليمون ونامي والصبح اغسليها ممكن تستعمليها مرتين في اليوم وتبان النتايج في ظرف اسبوعين !! وتنفع للجسم كامل!

اما بالنسبة للتطهير ..كل يوم لما تاخدي شاور اغسلي المنطقة بمويا دافي وملح (ملح خشن لو ماعندك ملح عادي )او اتنقعي فيها لمدة 10 دقايق!

اناالملح اللي عندي مرررة ناعم (ملح نواعم صار!!!:a_smil08:)
آخذ حفنة بيدي وابللها بمويا دافي واغسل المنطقة وفي نفس الوقت قاعدة ارش مويا دافي عشان اللي ماذاب من الملح يذوب.

وكل ماتدخلي دورة المياه (لقضاء الحاجة ) اكرمكم الله بعد شطف المنطقة بيدك ولازم بيدك مو بالشطاف (اتمنى انكم فهمتوني)
نشفي المنطقة بمناديل !

للقضاء على الإفرازات الزائدة والرائحة والهواء..
اسالي طبيبات المنتدى في العيادات أفضل راح يفيدونك الله يجزيهم خير والنتيجة تظهر في فترة قياسية وبدون رجعة .
صدقوني والله ملابس الداخلية البسها يوم كامل ولما اغيرها كأني توي لبستها (جاااافة ونظيفة )

واهتمي بالملابس الداخلية ونظافتها يعني اغسليها لوحدها (نقعيها في مويا حارة واغسليها بكلور وانشريها في مكان فية شمس عشان الجراثيم )

انا ماقلت هنا العلاج لأن كل وحدة تختلف عن الثانية اسألي الطبيبات اضمن لك !:)

بالنسبة للتعطير ..
اشربي اوكلي برتقالة ومويا ورد وعسل اصلي للتحلية كل ثلاثة ايام
ولاحظي الفرق !!!
العرق ريحتة ورد ..اللعاب عسللل.. الإفرازات اذا كانت طبيعيةعندك ومو زايدة بتكون ريحتها حلوة..
انا توي بديت اجربها.. ويمكن ازود في المرات اخليها كل يوم !


حاليا انا هذي طريقتي ..وزواجي الشهر الجاي ...
طلبتكم يابنات ادعولي بالتوفيق الله يوفقكم:scream:

هاه ولا تنسون تدلوني عن الموس ابو رووووس كثيييييرة:pinklove: