انتبهوا يابنات لنفسكم قصتي لاخذ العبرة

السلام عليكم ورحمة الله وبركاتة


لى الحين ثلاث شهور من سويت العملية توني قدرت اكتب قصتي من الم والغصة الى فيني الله ياجرني ويعوضني خير من الى فقدتة
مدري من وين ابدي بس ابي اقولكم من يوم حسيت في الم في جنبي اليمين وكنت مركبة لولب واقول ياربي بس انا الى متعبني اللولب ماقدر انا على بطني وبما اني صبوره تحملت وانا اقول من اللولب واروح لدكتورة وتقول كل شي تمام
فكيت اللولب بعد سنتين يالله كان ودي ارتاح لاكن احس لسي فيني شي حتي بطني احس كبرت اول لازقة في ظهري وكان نفسي احمل ورحت لدكتورة قالت مافي اباضة ابد استغربت انا دورتي منتظمة قلت الشهر الجاي صارت ظروف ومارجعت والله كتب اني احمل
ومن حملت وجنبي اليمين زاد الالم فية توقعت الجنين لدرجة احس بكورة في الجهة اليمين وتفائل قلت يمين ان شاء الله ولد لن عندي بنتين
وزاد على مع الحمل وصار زي الشد العضلى لجيت اقوم رحت لدكتورة قالت الحمل في اليسار وهاذا يمكن قالون
وكل شهر اشكي ولا احد يرد على رحت فوق الخمس دكتورات ومحد فادني
قدر الله تنقص الموية ويرتفع الضغط ويقررون على قيصرية سبحان الله رضخت تعرفون التاسع والخوف مع اني والدة مرتين طبيعي ياربي الم مايوصف مقدر امشي وشد جهة اليمين اليسار عادي وكلن مستغرب مني انتي تدلعين مومعقولة وانا في حال مايعلمة الاالله وكل يوم بيخف لاكن مافي فايدة احس في شي والله احس فية
رحت لدكتور الى ولدني حسبي الله علية يقول مافيك شي سوي تمارين
وانا ماقدر ابد رحت لدكتور هي اول وحدة اكتشفتة كيس على المبيض اليمين وكبير
اكيد فيك قبل الحمل هاذا النوع مايكبر بسرعة وانتي تستخدمين مانع
كانت صدمة حسبي الله انا ابي اموت من الالم ويقول سوي تمارين
رجعت للمستشفي الحكومي الى ولدة عندة ومعي الاشعة والتقرير لى اريع شهور والدة قال الدكتور لا هذي بويضة ويقعد يخربط على زوجي يخبي غلطة صدق زوجي حتى انا قلت ان شاء الله صحيح ماني ناقصة عملية ثانية
وتمر الشهور وكل شهر نفس الحكاية الم وشد وكل شهر اكثر من قبل
واروح لدكتورة ثانية ونفس الكلام
ارجع للمستشفي ويقول بويضة اقول ماصارت لها كم شهر تكبر وماتروح يقولون استعملى مانع وتعالى بعدها
واراجع يقولون مافيك شي ابد
اتصبر شهرين ونفس الحكاية اروح لدكتورة ثانية وتقول عندك كيس دهني ودموي وفية تكلسات بس لازم عملية مايصلح منظار قالت لي احملى وعند الولادة اشيلة لك فيك القيصرية فيك
استخرت ربي وتابعت عندها وابرة تفجرية وسبحان الله ماصار حمل
في هاذا الشهر رحت عمرة والله اني دعيت ربي اني يريحني من هاذا الالم تعبت ابي ارتاح
بعد مارجعت من العمرةصار يجيني الم عند كليتي اليمين الم مرة قوي رحت اللمستشفي قالوا يمن معاك حصي قلت لهم عندي كيس قالوا لا يمكن زايدة
قعت يومين انا كل شوي رايحة للاسعاف ومعطيني مسكن
حسيت جسمي كن فية سم والله يبنات اني شفت الموت
حتي رحت لهم مقدر امشي وراسي دوخة قلت خلاص هاذ سكرات الموت
سولي تحاليل طبعا غير المستشفيات الاولة
وسونار
قالوا غريبة ماندري وشفيك بالظبط
لازم نسوي منظار يمكن زايدة اوالكيس نسوي المنظار ونحكم
انا سلمت نفسي ووقعت على الموافقة على اي شي
كنت اقول خلاص ابي اموت وارتاح خلاص ماعاد في تحمل ابد
سوي المظار انصدموا من الى شافوة كانت غرغرينة لاف الكيس ثلاث مرات على المبيض ومسوي غرغرينة
شالوا الميض والزايدة بعد وعقموا مكانهم
وثلاث ايام بعدها وانا يعطوني علاجات بغيت اموت منها بس استفراغ ولاذقت شي حتى الموية
يجي يشرح لى الدكتور انة كان ضروري يشلون المبيض لان لو فكوة فية دم متجلط يمكن يسوي جلطة للقلب او المخ
وانا ساكتة ماني مصدقة احس اني في حلم
احساس مرة صعب انك تكونين مخدوعة بدكاترة يتسببون فقدك لمبيض كذا باهمالهم وانكارهم
تعبت مرة لانهم بعد المنظار اضطروا يفتحون البطن قيصري وانا لى تسع شهور والدة قيصري
مرة تعبت
سبحان الله كنت اتمني الحمل الحين قلت فرص الحمل عندي لنصف
غير تحسين فقدتي جزء منك مهو بالسهل ابد
احيانا الوم نفسي اني تساهلت يمكن لو اني رحت لغيرهم يمكن تعالجت ومافقت شي
بس الحمدلله على كل شي
انا بس اكتب قصتي علشان تنتبهون لنفسكم ماتساهلون بشي الصحة غالية
الدكتور يقول لزوجي زوجتك صبورة مرة كيف تحملتي هاذا كلة اذا قالت لك شي يوجعها صدقها على طول
بنات لازم تنتبهون انا كل اعراض الكيس كانت معي بس انا ماكنت اعرف
هي الم زي السكين او المشرط مكان المبيض
تغير في التبرز او البول يعني صعوبة
الم في الظهر عند اركوع اذا رفعتي يشد
تحسين بزي الكورة او انتفاخ في البطن
قال الدكتور لازم نسوي تحليل للكيس نشوف نوعة ولازم تراجعينا
والله ماني قادرة اروح اشوف نتيجتة والله مافيني حيل ابد
اخاف يقول فية شي
يارب اشفيني شفاء تام وعوضني بالحمل بالذكر الصالح