صميلة

ياماااال العافية على هالسر واللابداع ربي يحفظك

فعلا خبراتكم مالنا غناة عنها ..بس مين يقدرر..!

عشان خاطر عيون اللي قدروني وردوا بقولهم طريقتي في:

حشوة ورق العنب :
__________

طبعا ماراح نستخدم النار لهالحشوة
نجيب قدر نقطع فيه كمية حلوة من البصل تقطيع ناااعم+ثوم مفروم+فليفلة باردة+طماطم مقطعه ناعم+كزبرة وشبت ونعنع وبقدونس ناعم+رز مصري مغسول وسبق نقعه لمدة نص ساعه+ملح وبهارات+عصير ليمون+زيت زيتون+شوية دبس رمان+تمر هندي

اخلطهم جيدا واخليهم بالثلاجة ليلة كاااااملة ومن بكرا احشيهم..لانه بياخذ نكهة بعضة والرز بيشرب من السوائل المضافة وبيتخمر اكثر

المهم :
....... عند الحشو نخلي الحشوة بصفاية ونبداء ناخذ منها ونحشي
والسائل اللي اتصفى نضيفة لمرقة الطبخ
طبعا المرقة سبق وكتبتها وهي مويه وماجي ورشة كمون ..+خلاصة الحشوة اللذييييذة اللي اتبقت

طريقتي بالرص:
::::::::::::::
نحط بقاع الصينية حلقات بطاطس ثم حلقات بصل وفلفل بارد وطماطم

والسر حقي بالنكهه..
::::::::::::::
ارص بينات الخضار السابق فصوص ثوم مومتقطعه على عدلها..تقريبا راس كامل ثوم افككه واقشرة وارصة
بعدين ابدا برص ورق العنب..واحطة على نار متوسطه

بعدين اصب المرقة فوقة..وانتظر لين يرتفع البخار ويبداء يغلي بعدين احط صحن بالوجه لحفظ العنب عشان مايتفتح
اوطي النار لمدة سااعه كاملة
بعد الساعه اضيف زيت الزيتون وعصير الليمون
واهدي النار ساعه ثانية واخليه لين يبرد

السر الثاني
:::::::::
بعد مايبرد شوي ادخله للثلاجة..ولا اطلعه الا بوقت التقديم اصفة بصحن وازينه واغلفة واحطه عالسفرة علبال ماتجهز الاصناف الثانية
المهم الثلاجة بتخليه يحافظ على قوام ولفة كل حبة..بتصير ملفوفة عدل..ومتشربة الخليط زين

وان كان عندكم مرق لحم..فهذا ازين وازين عشان تستغني عن الماجي
احيانا احط الريش(المتبلة بالتتبيلة المفضله) تحت شرايح البطاطس واكمل الرص مثل مابينت سابقا

هااااااه شرايكم عساي بيضت الوجه معكم

يلا حبايبي عطونا ابداعكم..وترا عندي الكثيييييييييييييييير :)

سلطانه الطيوبه يعطيك الف عافيه على هالاسرار بصراحه شيييييييي

هلا حبيبتي موضوعك وايد يجنن ومشكوره على طرحه للافاده
عندي حشوه للسمك المشوي الكل يسألني شلون مسويتها من كثر ماهي لذيذه
المقادير:
كزبره خضراء مفرومه
بصل مفروم ناعم
ثوم مهروس
فلفل بارد مفروم
حبه طماطم مفروم ناعم
تمر هندي منقوع بالماء الدافئ
الطريقه:
تخلط جميع المقادير مع بعض مع اضافه الملح وشوي من الكاري
وبالاخير حطي حلقات من الطماطم فوق الحشوه ودخليها الفرن تطلع..مممممممم
لذيييذه

صميلة

تسلمي حياتي هذا من ذوقك
ويعلم ربي اني ما حطيت الا الشي اللي يميز طبخي عند اهلنا ..