أنشودة المطر @anshod_almtr

زهرة الواحة

خلع وركي ولادي ----->> اللي جربت هذا تدخل تفيدنا الله يحرمها على جهنم

بسم الله الرحمن الرحيم
السلام عليكم ورحمة الله وبركاته

اخواتي ..

اعرف وحده عندها طفل عمره سنه ونصف ..

قالوا لها عندو خلع وركي ولادي ؟ ؟

وقالوا لازم عملية .. وجبس وماني عارفة اايش .

ابي من المجربات يقولون لنا نصائح للتعامل معه شلون وكيف بعد العملية ..

والملابس كيف تكون ؟ وتجهيزات المستشفى ؟ وكم يجلس بعد العملية بالمستشفى ؟
وكيف يتنقلون به بالسيارة ؟ وهل فيه نوع عربيات ممكن تشتريها له للتنقل ؟
حمله بيكون صعب او سهل ؟ وتغيير الحفاظ الله يعزكم كيف بيكون متعب واالا ؟

وشي مهم انو هي موظفة .. وشلون بيكون وضع البيبي الصباح ؟ توديه للحضانة مشكله ماراح يستقبلونه اكيد ..
تجيب له ممرضه بالبيت ؟ طيب هل بتكون الممرضه تعرف تتعامل معه والا شلون ؟

مين مجربة او تعرف احد مجرب وتفيدنا سوا باللي سألنا عنه او بشكل عام :09:

والله لايريكم في حبيب مكروها

يلزم عليك تسجيل الدخول أولًا لكتابة تعليق.

تسجيل دخول

سبيعيه ذوق • 16 سنة

ما عندي فكره

أسأل الله أن يشفي إبنها شفاء لا يغادر سقما

ويطمن قلبها عليه ..

أحلى المنى • 16 سنة

هلا اختي
تحية طيبة أنا سويت لبنتي عملية خلع ولادي في الجهة اليسرى وكان عمرها تقريبا زي اللي ذكرت أو أكبر شوي قريب سنتين والحمدلله ماطولت في المستشفى حق يومين وطبعا حطوا لها سيخ وبعدها ب3 شهور نزلوه بعملية ثانية
طبعا لازم حرص في التعامل معها لان الرجل مجبسة كلها والرجلين مفتوحة وبينهم من تحت الركبة عود مدري فهمت الوصف زي حرف A
والرجل اليمين كمان جبسوها على خفيف
بس المتعب يا أختي الجبس يتو سخ بسرعة مرررة وطول الوقت على ظهرها أو كانت الخادمة تشيلها على جنب لان مستحيل تجلس وكانت حبيبتي تزحف لانها كانت تمشي فالحركة سهلة بالنسبة لها

وبالنسبة للاجازة أنا كنت موظفة معلمة وأخذت معها مرافق كتب لنا الطبيب تقرير انه لازم اكون معها بحكم سنها وخوف على رجلها والعملية ورفعته للرئاسة ووافقوا عليه لان في شي زي كذا في نظام الغياب يعني اجازة بمرتب ولكن تعتبر مرافق لحاجة الطفلة للرعاية ولو تعقدت معها تاخذها رعاية مولود بربع الراتب
والحفاظ وهذي الاشياء عادي وكنت دايم اخرجها الحديقة
أي سؤال ثاني حبيبتي انا حاضرة وقدام ولدها العافية

أحلى المنى • 16 سنة

وبالنسبة للمرضة ماله داعي هي لازم تكون بجنبه عشان لايتعور والله مافي زي الام حريصة على ولدها وبعدين بما أنه توه صغير حركته بتكون كثيرة فلازم هي تنتبه له لانها عملية اعرف ناس عادوها مرة ثانية
وصيها عني تكون جنبه وأجرها على الله وحتى الطفل بيكون حساس أكثر من بيراعيه ويلعب معه
وعربية خاصة ماشريت والسيارة عادي ينام ورا أو على رجولها لان نان كنت دايم أسافر وهي معي

الله يعينها بس تستخير وتدعي ولاتشيل هم لاسيما لو كان الدكتور ثقة

أنشودة المطر • 16 سنة

سبيععيه ذوق ..

وانا اشهد انك ذوق ..

عساك وحبايب قلبك محرمين على جهنم ..

------------------------

أحلى المنى ..

الحمد لله على سلامة بنوتك يالغلا .. والله يبلغك فيها كل خير تتمنينه يارب

اذا توسخ الجبس وش تسوون ؟
والزحف مايأثر على عمليتها ؟

جزاك الله الفردوس الاعلى انتِ واحبابك يارب. .

شمعه وسط الظلام • 16 سنة

أنشودة المطر :

سبيععيه ذوق .. وانا اشهد انك ذوق .. عساك وحبايب قلبك محرمين على جهنم .. ------------------------ أحلى المنى .. الحمد لله على سلامة بنوتك يالغلا .. والله يبلغك فيها كل خير تتمنينه يارب اذا توسخ الجبس وش تسوون ؟ والزحف مايأثر على عمليتها ؟ جزاك الله الفردوس الاعلى انتِ واحبابك يارب. .

سبيععيه ذوق .. وانا اشهد انك ذوق .. عساك وحبايب قلبك محرمين على جهنم .....

انا قريبتي بنتها جاها خلع بس الي اتذكر انة لبسها زي الحزام فترة طويلة وكانو يلبسوها حفاضتين فوق بعض بدون عملية تشافت الحمد للله