تعالوا شوفوا بنتي وش سوت يوم الجمعة؟

السلام عليكم
صباح الخير يابنات ..ومساء الخير للي تقرأ الموضوع في المساء

قصة بنتي صارت قبل شهر تقريبا ومن ذاك الوقت وانا بكتبها بس طحت بموضوع سنه أولى زواج وماقدرت اطلع يعني كل ما ألاقي وقت وافتح النت أفتح عليه اقرا منه كم صفحة........
المهم سلمكن الله بنتي تدرس بأولى ابتدائي ومعه بنفس المدرسه وحده من أقاربنا تروح وتجي معها وماتستغني عنها يعني إذا تبي تغيب عن المدرسه بنتي مستحيل تروح يعني الايام اللي فيها إن تقولي دقي عليهم اسأليهم إذا هي بتغيب أنا بغيب وإذابتروح للمدرسه فأنا رحت.. المهم المدرسه هذي مزحومة وقرروا ينقلون بعض الأحياء إلى مبنى جديد ..قريبتنا هذي تابعه للأحياء التي ستنقل وبنتي تتبع الأحياء التي ستبقى ...
.يوم إربعاء دخلت بنتي ماتصدقون شكله يابنات مرررررره مهمومه وتصيح (تبكي) وش السالفه قالت المديرة تقول من يوم السبت الطالبات التابعات للاحياء الفلانيه يروحون للمنى الجديد ..طبعا مديرة المدرسة الجديدة رفضت تقبل بنتي والقديمه رفضت بقاء قريبتنا وبنتي عارفه هالشي... المهم طلعنا الاربعاء والخميس ونست الموضوع........ يوم الجمعة العصر لما جيت أذاكر لها تذكرت وجلست تبكي وأنا بقلبي أشد منها لان قريبتنا هذي حريصه على بنتي ....عاد أنا قلت له شوفي الحين الجمعه العصر وأي واحد يدعي ربه الله يعطيه اللي يطلب ..البنت صارت تردد :يارب فلانه ماتنقل يارب فلانه ماتنقل...........


أقسم بالله يابنات جاء السبت انتقلوا الطالبات كلهم إلا قريبتنا بقدرة قادر رغم رفض الإداره الشديد لأي طالبه....... وماتصدقون فرحة بنتي


( أمن يجيب المضطر إذا دعاه )
فعلا الدعاء يبي منا اليقين بالاجابة وصفاء القلب والذهن كما هو الحال لدى الأطفال.......
طبعا أنا حبيت أكتب لكم القصة حتى نرى مدى رحمة الله بخلقه وأنه أرحم من الأم بولدها سبحانه....وعذرا على الإطاله