واخيرا سويت ليلتي البررررررررررية

هلا عسولات حواء وش اخباركم
واخيرااااااااااااااااا سويت ايلة البرية وكانت من اروع الليالي طبعا هذا كلام ابو الشباب
تبون تعرفون وش سويت طيب بقولكم
اول شي اللي قالوا لي اطلعي للبر وبلا بهذلة وشلون اطلع للبر بالليل لا وبعد انام هلا هلا اصلا انا اذا طلعت معاه للبر اذا جا اخر العصر ندخل وبعدين ماودي اسوي هالليلة الا بالليل هي اسمها ليلة
وبعدين ترى من جد زوجي قدر تعبي وحوستي وتجهيزي لليلة هذي وانبسط
الحين عاد ببدا واقول وش سويت
اول شي كان عندي بطانية صغيرة حطيتها كانها بساط طبعا بغرفتي وسويت بكراتين الحاسب >>>> توهم شارينه خخخخ
جيب والله طلع جنان طبعا غلفته بابيض وطلع كانه جيب صدق وفتحته من قدام وحطيته بداخله روض وخزام ووووالورد الاصفر والموف والابيض اللي بالبر طبعا نسيت اقولكم اني قبلها بيومين طلعت وياه للبر وجلسنا نتقهوى بعدين قمت وجمعتلي من هالورد والربيع كيستين وهو يضحك ويقول وشوله وانا اقول بسوي عمل فني >>> انواع النصبات
المهم خليت الجيب فوق السرير بشكل مايل يعني لبقته وحطين فوقه ورد احمر من البر بعد مدري وش اسمه خليت مجموعه مثل الباقه فوق تندة الجيب خخخخ
طبعا كنت فارشه على السرير مفرش اخضر
الحين نجي للبساط حوالين البساط وفي الغرفة كلها وزعت بشكل عشوائي هالورد والربيع اللي من البر لما طلعت ريحة غرفتي كانها روضة أي والله يعني الجو صار حلو بري
المهم كنت مسويه بطبق البيض فحم رشيته باسود واحمر وفضي وحطيت اعواد الشوي وبداخله لحم اللي هو كراتين البيض بعد تقطيعها وبخها وصفيتها على الفحم
وسويت حق الهوا اللي ينحط قدام الدافور سويته من الكرتون
وسويت عزبة للقهوة حطيتها بكرتون الكيوي حطيت جواها بعد تقسيمها دله بكرتون سويتها وفناجيل وعلبة تمر وعلبة قهوة وهيل
وسويت عزبة الشاهي بكرتون الليمون بعد تقسيمه من جوا وحطيت ابريق وبيالات كلها من الكراتين وعلبة للسكر وعلبة للشاهي
وسويت دافور يعني غاز صغير بالفلين واحطيت عليه ابريق
وكتبت بالحصى بجنب البساط او بالاصح قدامه احبك
وسويت كشاف بالكرتون
وولعت الشموع بالغرفة طلع كانه قمراااا >> لاطشتها من زوجها خخ
طبعا قدام البساط فيه جهاز الحاسب شغلت انشودة ياعريس حقت عادل الكندري مرررة رووووعه
وسويت قهوة وتمر وشاهي بسسسسسسسسسسسسس وحطيتها على البساط بشكل مرتب
طبعا من عند باب الشقة حطيت بالورق أثار رجل جمال يعني بعير وكل اثر احط بوسطه كلمه بدوية مثل روح جاي وزي كذا يعني اثر كلمة بدوية واثر بيتين شعر وهلم جرا >> حلوة هلم جرا خخخخخ
ليما وصلت للغرفة واخر اثر هو اقلط
طبعا سكرت الانوار بالبيت وبين كل اثر والثاني حطيت شمعه صغيرة عشان يعرف يقرا
وباب غرفتي حطين سهم كتبت اقرا الورقة قبل لاتدخل طبعا كنت حارقة ورقة طويله وملصقتها على خيش وكاتبه فيها ابيات في زوجي ولفيتها وربطتها ولصقتها بدبوس اخضر >>> عشان الربيع خخخ
على السهم وحطيت بوسطها وهي مربوطه من هالورد
طبعا كتبت على الباب ورقة كبيررررررررره هلا والله فيك بروضة فوفو خخخخخخخخخ
المهم لبست جلابية من حقات المسسلسلات البدوية ستيرة مرة خخخخخ
وبرقع وبخرت البيت وماللمست أي عطر ابغى الريحة تكون روض وبس طبعا من الممر لما غرفتي بخرته وانا تسبحت بالبخور ودهن العود وتكحلت وجلست اول مادخل ابو الشباب جلس يمشي طبعا كنت حاطه عند كل اثر وردة وكاتبه باول اثر اذكر الله يارجال وامش مع هالورد بعد ماتاخذه وهو بيوصلك لمكاني
طبعا جلس يمشي مع الاثر ويقراه ويجمع الورد وبعدين وصل للباب واخذ اللي عليه اللي هي الرساله وقراها بعدين طق الباب ودخل طبعا انا كنت جالسه ببرقعي ويوم دخل قال بسم الله يحسبني انهبلت خخخخ روعته بسم الله على قلبه ومات ضحك وانا ماقدرت اتكلم بس اضحك وبالاخير قلت هلا والله هلا بك يابن اخي تفضل
استرح جا وجلس وتقهوينها طبعا وانا ببرقعي وشغلت النشيد والله روعه يقول هالنشيد احمد الله ياعريس انك رزقت ببنت الحلال وووووو
بس مرة روعه وشربنا شاهي طبعا كنت مسوية كيك
وبعدين فاجئني انو جايب عشا وكان جايب دجاج مشوي كانه حاس خخخخخخخخ وتعشينا وانا ببرقعي وووووو الباقي عيب
تصدقون اني نمت ببرقعي خخخخخخخخخخ والله شكرني على هالليلة واعجبته مرررة وقال يامجنونه وانا اقول وشوله تجمع هالقرابيع اتاريك تخططين على شي والله الليلة هذي يقولي انها احسن ليلة بحياته طبعا غير يوم زواجنا انبسط مررره عليها طبعا لانها بريه >>> 
وتوتا توتا خلصت الحتوتا
استنى ردودكم والله ابو الشباب قال امري تدللي وش تبين شفتو يعني ياحريم سسسوا كل شي ولا تستحون والله ينبسطون رجالكم وينفذون طلباتكم
تصدقون كنت اقدر اروح واشتري من التراث على قولة حبايبي بالمنتدى بس انا مابي اتكلف لاني كل شي برميه ابغى شي بسيط وحلو والله عجبته وقال لو انك متكلفة ماطلعت حلوة انا سويت مثل مايسوي هوه بالبر وحطيت كل يحطه هو بالببر وجلست اتكلم معه بدووي بس شوي لاني ماعرف وهو يضحك وجلسنا نتكلم وبسسسسس

طبعا يوم قمت الصباح جلست انظف والله حوسسه بس وناااااسه اهم شي زوجي انبسط الله لايحرمني منه