كن أنت
كن أنت
حبيباتي..

انا العائله عندي نصهم مركبين فينيرز ونصهم زركونيا..على فكره اسمه مو زركون اسمه العلمي زركونيا..الزركون حجر ثمين زي اللي نلبسه فالذهب..

انا الحين قاعده استعد لمرحلة تركيب الفينيرز..

وباشرح لك كل اللي قالي الدكتور وباعلمك عن تجربة خواتي..بس باتكلم بشكل عشوائي يعني الافكار ماراح تكون مرتبه..

اول شي باقول لك..م كل اي احد واي احد يركب الفينيرز..الفينيرز له شروط والقرار طبعا يعود للدكتور (اذا كان ذا ذمة وضمير) هالشروط هو مدى الضرر اللي في اسنانك سواء تلون او تراكب او فراغات..
ثانيا مدى اهتمامك باسنانك..اذا انتي من النوع المهمل وطبعا هالدكتور بيعرف هالشي لافتحتي فمك ماراح يوافق يركبهم..لان الفينيرز واللومينيرز والتركيبات بشكل عام..تحتاج عنايه مكوكيه..

حطي ببالك اذا كنتي تفرشين اسنانك مرتين باليوم اول هالحين بتفرشين بعد كل وجبه..باختصر شديد وسوسي..

ثالث شي اذا كانت اسنانك مخلوعة الاعصاب..معناته مافي لومينير ولا فينير..بيسوي لك تاج سني..اللي هو من السيراميك وافضل انواعه الزركونيا..

الحين نجي لمسألة العمر..العمر الافتراضي للفينير واللومينير 10 سنين الى 15 سنه وانتي اللي تطولين هالمده بمدى اهتمامك وعنايتك فيها..لو احتاجت تغيير تبديل بعدين طبعا بترجعين تدفعين..

بالنسبه للاسعار متفاوته جدا جدا..من عياده لعياده ومن دكتور لدكتور..انصحك نصيحة اخت..

لاتحطين شي اي كلام..اجمعي نفسك وبيعي لك طقم ولا سويلك جمعيه ولا اي شي..بس لاترضين بالقليل..

للاسف انا اعرف انه استغلال..لكن اعرف برضو ان هذي اسعار السوق..بكل مكان ودولة هالشي غالي واذا كان رخيص..اعرفي انه اي كلام..لذلك ابحثي عن الافضل..
وباخر الرد باعلمك عن الافضل اللي لقيتهم بهالمجال..

نجي للالم..الالم بيكون بالجلسه الاولى ويمكنها بعدها باسبوع..لكن بعد ماتركبين الفينير او اللومينير (الاوجه الخزفيه باسمها اختصارا)
بترتاحين ولو كان فيه الم معناته في مشكله وارجعي راجعي طبيبك..

لما بتروحين للطبيب..حطي في مخك تصور معينللي تبين تسوينه عشان توصلينه للدكتور..حتى لو تاخذين معك صورة اسنان عاجبتك..قولي اعرف ماراح تضبط علي بس عالاقل ابي شي قريب من كذا..واذا لون اسنانك او شكلها عاجبك قوليله لاتغير اللي اشياء بسيطه يعني مثلا يسد الفتحات او يعدل الميلان لكن لاتغير اللون او لاتكبر الحجم او لاتصغره..

انتي بتدفعين فلوس فا تشرطي لين بكرا..

ونصيحتي لك لما يركب الاسنان لاتطلعين العياده وانتي فيه شي مو عاجبك..اذا مو عاجبك قولي مووووو عاجبني وغيرها..من حقك التغيير..ولو حسيتي نفسك متردده قولي باستخير يادكتور وبارجع لو مارتحت فيهم..

اول مايحط لك الاوجه الخزفيه بتحسين في شي غريب وكبير باسنانك مع انها مره صغننه..بس سبحان الله تركيبة الفم الداخليه حتى لو تدخل شعره بفمك بتستنكرينها فما بالك بخزف! يومين وبيصير الوضع اوكي..

لو قالك في عندك اسنان مافيا اعصاب ولازم نلبسها بتيجان خزفيه ماينفع اوجه..قولي طيب يادكتور مابي التاج اللي من جوا معدن..ابيه كلها سيراميك ويكون زركونيا (افضل الانواع)

اعتقد كذا شرحت كل شي..

افضل الاطباء تلاقينهم بهالرد لي.. مفصله باسماء العيادات والأطباء والاسعار..


http://forum.hawaaworld.com/showpost.php?p=77792553&postcount=152


دعواتك لي وكل من يمر بهالصفحه ويستفيد بالرزق الوفير والذريه الصالحه وراحة البال والسعاده والستر..
::احلام الورود::
مشكورة كن انت الله يوفقكويسعدك
ارسلت لك خاص انتظرك
ogareet
ogareet
اختي ( كن انت )
كلامك فادني
الله يوفقك دنيا و اخره
الواثقه33
الواثقه33
اللومينر احسن الي بدون نحت ومايسحبو العصب مو تلبيس هذي زي العدسات