Rolaatee
Rolaatee
والله الطلق الصناعي عذاب
والله الطلق الصناعي عذاب
انا عندي بنوتين توأم..بأول حمل الي :09: بس الحمد لله..
الحمل أول شهرين عادي بس اول ما عرفت انهم توأم انهيار عصبي على طول من الخوف والتفكير بالتعب وانه كيف بدي اقدر اربي 2 بيبي لحالي..
وللشهر الخامس وانا استفراغ متواصل حتى اذا سمعت صوت زوجي عالتلفون استفرغ وطبعا فصلنا الغرف والحمامات وصرنا متل الاغراب مسكين بس الله صبروا علي الحمد لله..الشهر السادس دوالي في ... لحالكم افهموها واستمر حتى الولادة مع الم في الرجلين خصوصا عند النوم..
من الشهر السابع طلق مبكر واستمريت على ابر التثبيت وابر الكورتيزون للرئتين عشان كان فيه احتمال ولادة مبكرة لانه وحدة من البنوتات راسها نزل لتحت كتير مستعجلة بدها تطلع..
اسهال وسخونة متواصلة آخر اسبوعين ولهلأ ما عرفنا السبب وفعلا صار ولادة في الشهر الثامن بس ما احتاجو خداج الحمد لله..استمر الطلق من الساعة 9 صباحا حتى ولدت الساعة 7 مساء بس للاسف بشفط البيبي الاول لانه حضرتي ما قدرت ادفع والتانيه طلعت لحالها بدون شفط.. وهلا البيبيز عمرهم 5 شهور ومطلعين عيوني انا والشغاله وابوهم واول 3 شهور طلعوا عيون ماما معاي لاني تركت بيتي وقعدت عندها 3 شهور لانه ما قدرت عليهم لحالي وكان جسمي تعبان والله يخلي لكل وحدة امها لانه ما النا غير امهاتنا .. انا كان حملي صعب وولادتي صعبة والحمد لله بس مش كل الاجسام متل بعض انا جسمي صغير والول حملي توأم عشان هيك تعبت بس بعرف ناس حملوا بنفس الوقت معاي وكانو ما شاء الله ولا احلى من هيك ما حسوا بشي ابدا بس الحمد لله وكل شي باجره عند رب العالمين ..