الله يهدي زوجج.. ادعي له بالهدايه ..

انا توني ولدت البيبي الثالث و عند ولدين أعمارهم ثلاث سنوات و سنة و ثمان شهور أحس كأنهم توائم .. بس الايام بتعدي و راح يكبروون مع بعض(- --أحاول اخفف علي نفسي كمان..) ..حبيت أقولج انج مب بروحج..

عليج بالدعاء اختيه..
مالج غيره..
وحاولي انج ما تهملين عيالج عطيهم حبج وحنانج قد ما تقدرين..
أنا أدري إن حالتج صعبه بس استحملي عشان الحلوين الصغار..
أنا خواتي كلهم ربوا في مستشفى الوصل ويقولون إنه أحسن من غيره من المستشفيات الحكومية..
وإبرة النخاع انتي تقصدين بها ابرة الظهر اللي تنعطى في القيصرية..
أنا اختيه خذتها وكانت مرتاحه منها لما ربت في ولدها الثاني لأنها في العملية الأولى كانت وايد دايخه عقب العملية بس يوم خذت إبرة الظهر كانت أهون..

مدري وش اقول انا بعد
لكن لاتلومين نفسك كثير من الزوجات يكتب لها الفشل وعدم الاستمرار وهذي مو نهاية العالم
من اللي كتبتيه اقدر اقول لك انه هو الغلطان من كل النواحي وانتي مو غلطانه ولا واحد بالميه
يعني بقولك لو اخترتي الحل الثاني انك تصبرين وتصبرين وتصبرين عليه .. بس الوحده منا مستعده تصبر على كل شي الا زوج يخونها ولاتنلام ..
الله كريم اختي
والاطفال هذولا ماادراك يمكن ينفعونك بعدين , ولو كنتي حاسه انهم ربطوك فيه بس مايندرا بعد السنين وش بيصير
الله معك ويصبر قلبك ويعينا على بعض الرجال

سبحان الله ناس متعذبه تبي عيال وناس متعذبه من الحمل والولاده
يارب يسخر لج زوجج ويسر عليج الولاده ويرزقك الذريه الصالحه يارب ولازم تحاولين تقوين علاقتج مع زوجج !! حاولي تكسبين محبته ورضاه كثر الزعل والهواش يقسي القلب !! حافظي على وزنك وامنعي الحمل بحبوب لا تتركينهم ابدا الا اذا قررتي تحملين مره ثانيه وفي هالفتره حاولي تتزينين له حتى وانتي حامل !! انا شفت حوامل حلوين ومرتين حاولي معاه اهتمي بعطورك وشعرك ومكياجج اغريه انه يجلس معاج اكثر فتره واكيد انتي عارفه شو يغريه والله يعينج الريايل مثل اليهال

أختي أنا اولادي ورى بعض
3 سنين وسنه والاخيره 4 شهور

يعنى غيرنا متمنى هذي النعمه

وزوجك عليكي بالدعاء