اللي استقدمت خادمه عن طريق احد دول الخليج تجي هنا

بدخل بالموضوع على طول بدون لف او دوران
امي الله يحفظها شغالتها الاندونيسيه بتسافر ومصره الوالده ما تبي غير الاندونيسيه
وامي الله يحفظها اذا اصرت على شي ما نقدر نغير رايها ابد اندونيسيه يعني اندونيسيه
وشغالات امي الاندونيسيات ما شاء الله تبارك الله سنعات ونظيفات والله مالومها اذا اصرت ع الاندونيسيه
بس المشكله مقفله ما فيه استقدام
كلم اخوي اغلب المكاتب اللي سبق وتعاملنا معهم وكلهم يقولون ما فيه الا اثيوبيات وكينيات وسريلانكيات
طبعا الكينيه امي رافضتها بدون نقاش والاثيوبيه تقول ان شغلها اي كلام وهذا غير ان يدها طويله ولسانها بعد طبعا الوالده حكمت عليهم لانها تشوفهم عند اقاربها واغلبهم يشتكون منهم

المشكله امي بحاجة شغاله ضروري ما تقدر تقوم بشغل البيت يعني لازم شغاله ونقل الكفاله شاب ناااار ما نقدر عليه ابد والاستقدام من عندنا ما فيه طيب كيف نحلها علشان خاطر الوالده الله يحفظها ويخليها

ما فيه حل الا اننا نستقدم لها خادمه اندونيسيه عن طريق احد دول الخليج لانه الاستقدام عندهم مفتوح مو زينا
فمن منكم يا بنات جابت خادمه اندونيسيه عن طريقهم بعد هذي الازمه وهل الاجراءات صعبه والا لا

الله يخليكم يا بنات الخليج الحلوات الامورات اللي ما تعرف ترفع الموضوع واذا عندكم اي معلومات اكتبوها


الله يوفق من ترد ومن ترفع الموضوع ويرزقها من واسع فضله


رجاء يا مشرفات يا حلوات لا تنقلون الموضوع